| e-texts navigator |
| Wylie |
273b1 དགྲ་བཅོམ་རྒྱལ་པོ་ཉོན་མོངས་རྡུལ་བསལ་བ།། འཚོ་བ་དག་ཅིང་བརྟུལ་ཞུགས་ཚུལ་ཁྲིམས་གནས།། ལྷ་ཡི་ལྷ་མཆོག་དྲི་མེད་དྲི་མ་བྲལ།། ཕ་རོལ་ཚོགས་འཇོམས་ཁྱོད་ལ་ཕྱག་འཚལ་ལོ།། བདེ
273b2 གཤེགས་རིན་ཆེན་མཆོག་ཏུ་དགའ་མཛད་པ། ། དགོན་པར་རྟག་གནས་རྟག་ཏུ་དགོན་པར་དགེས།། རྡུལ་སྐྱོན་གཏི་མུག་རྙོག་པ་མི་མངའ་བ།། ནམ་མཁའ་མཉམ་ཐུགས་ཁྱོད་ལ་ཕྱག་འཚལ་ལོ།།
273b3 ཆུ་བོ་བཞི་རྒ་ལ་བདེན་བཞི་བཀའ་མཆིད་གསུང་།། མིག་སྦྱིན་བདུད་རྩི་ཆོས་ཀྱི་བཀའ་མཆིད་ཅན།། འགྲོ་བའི་དོན་མཛད་འཇིག་རྟེན་གསུམ་རྒྱུ་བ།། འཁོར་ལོ་ཞབས་མངའ་ཁྱོད་ལ་ཕྱག་འཚལ་ལོ།། ལྷ་དང
273b4 མི་ཡིས་མཆོད་པའི་མཐུ་བོ་ཆེ། ། མགོན་པོ་ལྷ་ཡི་དབང་པོ་བདུད་འཇོམས་པ།། མི་དང་ལྷ་ཀླུ་ཚོགས་ཀྱིས་མཆོད་པ་ཡི།། མི་མཆོད་དམ་པ་ཁྱོད་ལ་ཕྱག་འཚལ་ལོ།། རྟག་ཏུ་བདེན་སྡུད་དམ་པའི་ཆོས་ལ
273b5 དགྱེས། ། མཉམ་ཐུགས་འགྲོ་བ་ཀུན་ལ་བྱམས་པའི་ཐུགས།། ཆོས་ལ་མཉམ་གནས་མི་རྣམས་ཁ་ལོ་སྒྱུར།། ཡོན་ཏན་མཐར་ཕྱིན་ཁྱོད་ལ་ཕྱག་འཚལ་ལོ།། སྙན་པའི་སྒྲ་དབྱངས་རྣམ་པར་དག
273b6 དང་ལྡན། ། ཚངས་པའི་སྒྲ་དབྱངས་ལྟ་བུར་འཇམ་པའི་གསུང་།། དབྱངས་ཀྱི་ཡན་ལག་རབ་ཚུལ་ཀུན་རྫོགས་པ།། བདེན་པ་སྙན་གསུང་ཁྱོད་ལ་ཕྱག་འཚལ་ལོ།། སྟོང་པ་མཚན་མ་མེད་ཅིང་སྨོན་དང་བྲལ།
273b7 ཟབ་མོ་ལྟ་དཀའ་ཤིན་ཏུ་རྟོགས་པར་དཀའ།། ཐར་ལ་འཇུག་པར་མཁས་པ་བློ་གྲོས་ལྡན།། ཐར་པའི་ལམ་ངེས་ཁྱོད་ལ་ཕྱག་འཚལ་ལོ།། རྒྱུ་ལ་རྟེན་པ་མཁས་པའི་བཅོམ་ལྡན་འདས།། མཐའ་གཉིས་ལྟ་བ
iiif viewer powered by OpenSeadragon
