| e-texts navigator |
| Wylie |
270b1 དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་དང་། མངོན་པར་ཤེས་པའི་ཡེ་རིཤེས་ཀྱིས་རྣམ་པར་རྩེན་པ། ཚིག་ཐམས་ཅད་རབ་ཏུ་དབྱེ་བ་ལ་སྤོབས་པ་ཆགས་པ་མེད་པའི
270b2 ཤེས་རབ་དང་ཡེ་ཤེས་ལ་མཁས་པ། ལྷུན་པོའི་རི་ལྟར་སེམས་གཡོ་བ་མེད་པ། ས་དང་། ཆུ་དང་། མེ་དང་། རླུང་དང་། རི་ལྟར་རྗེས་སུ་ཆགས་པ་དང་། ཁོང་ཁྲོ་བ་དང་བྲལ་བ། བྱམས་པ་ཆེན་པོ་ལ
270b3 གནས་ཏེ། འོད་ཟེར་ཐོགས་པ་མེད་པ། སྙིང་རྗེ་ཆེན་པོ་ལ་གནས་ཏེ། རྟག་ཏུ་སེམས་ཅན་ལ་བལྟ་བར་བརྩོན་པ། དགའ་བ་ཆེན་པོ་ལ་གནས་ཏེ། ཆོས་ཀྱི་ཀུན་དགའ་ལ་དགའ་བ་དང་ལྡན་པ།
270b4 བཏང་སྙོམས་ཆེན་པོ་ལ་གནས་ཏེ། གཉིས་སུ་མེད་པ་ཤེས་པ་ཐོབ་པ། འཇིག་རྟེན་གྱི་ཆོས་བརྒྱད་པོ་རྙེད་པ་དང་། མ་རྙེད་པ་དང་། གྲགས་པ་དང་། མ་གྲགས་པ་དང་། བསྟོད་པ་དང་། སྨད་པ་དང་།
270b5 བདེ་བ་དང་། སྡུག་བསྔལ་ལས་རབ་ཏུ་འདས་པ། ཕས་ཀྱི་རྒོལ་བ་ངན་པའི་ཚོགས་ཅན་གྱི་ཚོགས་ཐམས་ཅད་ཀུན་ཏུ་རབ་ཏུ་འཇོམས་པ། བདུད་ད་ཉོན་མོངས་པའི་རྒོལ་བ་བཅོམ་པ། ཨུ་དུ་མ
270b6 ཝ་རའི་མེ་ཏོག་མཐོང་བ་ལྟར་ཤིན་ཏུ་འབྱུང་བར་དཀའ་བ། གསོལ་བ་མ་བཏབ་པར་སེམས་ཅན་ཐམས་ཅད་ལ་དགེ་བའི་བཤེས་གཉེན་བྱེད་པ། ཡོངས་སུ་མྱ་ངན་ལས་འདས་པའི་བར་དུ
270b7 གཏན་དུ་མཛའ་བ། སེང་གེའི་སྒྲ་ཆེན་པོ་སྒྲོགས་པ། སངས་རྒྱས་ཀྱི་ཆོས་ཟབ་མོ་དང་མི་འཇིགས་པ་སྒྲོགས་པ། དེ་བཞིན་གཤེགས་པའི་ཕྱག་རྒྱས་བཏབ་པ། མི་འཁྲུགས་པར་ཕྱིན་པར།
iiif viewer powered by OpenSeadragon
