| e-texts navigator |
| Wylie |
268b1 ཕྱེ་མ་ཐམས་ཅད་ཀྱིས་དེ་བཞིན་གཤེགས་པ་ལ་མངོན་པར་གཏོར་ནས། ཚིག་ཀྱང་འདི་སྐད་ཅེས་ཨེ་མ་ཧོ་ཆོས་ཀྱི་རྣམ་གྲངས་འདི་འཛམ་བུའི་གླིང་ན་ཡུན་རིང་དུ་གནས་པ་དང་། རྒྱས་པར་གྱུར་ཅིག
268b2 ཅེས་འཛེར་ཏོ། ། དེ་ནས་བཅོམ་ལྡན་འདས་ཀྱིས། ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་ཆོས་ཀྱི་རྣམ་གྲངས་འདི་གཟུང་ངམ། གསོལ་པ། བཅོམ་ལྡན་འདས
268b3 བདག་གིས་གཟུང་ངོ་། ། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དེ་ལྟ་བས་ན་ཆོས་ཀྱི་རྣམ་གྲངས་འདི་གཟུང་བ་དང་། བཅང་བ་དང་། བཀླག་པ་དང་། ཡང་དག་པར་རབ་ཏུ་བསྟེན་པའི
268b4 ཕྱིར། ཁྱོད་ལ་ཡོངས་སུ་གཏད་དོ།། གསོལ་པ། བཅོམ་ལྡན་འདས་གང་ཆོས་ཀྱི་རྣམ་གྲངས་འདི་འཛིན་ཏམ། འཆང་ངམ། ཀློག་གམ། གཞན་དག་ལ་སྟོན་ཏམ། ཡི་གེར་བྲིས་པ་ལ་མཆོད་པ་བགྱིད
268b5 ན། དེ་བསོད་ནམས་ཇི་ཙམ་ཞིག་སྐྱེད་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། ཡི་གེ་དང་ངེས་པའི་ཚིག་ཇི་སྙེད་ཀྱིས་ཆོས་ཀྱི་རྣམ་གྲངས་འདི་བསྟན་པ་དེ་སྙེད་ཀྱི་དེ་བཞིན་གཤེགས
268b6 པ་དགེ་སློང་གི་དགེ་འདུན་དང་བཅོས་པ་ལ་བདེ་བའི་ཡོ་བྱད་ཐམས་ཅད་ཀྱིས་བསྙེན་བཀུར་བྱས་པ་བས། གང་ཆོས་ཀྱི་རྣམ་གྲངས་འདི་འཛིན་པ་དང་། བཟུང་ནས་ཀྱང་གཞན་ལ་སྟོན་པ་དང་།།
268b7 ཀློག་པ་དེ་ནི་དེ་བས་ཀྱང་བསོད་ནམས་ཆེས་མང་དུ་སྐྱེད་དོ།། ཀུན་དགའ་བོ་གང་གིས་དམ་པའི་ཆོས་ཡུན་རིང་དུ་གནས་པར་བྱ་བའི་ཕྱིར། ཆོས་ཀྱི་རྣམ་གྲངས་འདི་གླེགས་བམ་དུ་བྲིས་ཏེ་མཆོད
iiif viewer powered by OpenSeadragon
