| e-texts navigator |
| Wylie |
267b1 ལ་གནས་པའང་བཏང་སྟེ། རིགས་ཀྱི་བུ་འམ། རིགས་ཀྱི་བུ་མོ་གང་ཆོས་ཀྱི་རྣམ་གྲངས་འདི་ཡང་དག་པར་སྟོན་པ་དེ་ལ་ཆོས་ཉན་དུ་མཆིའོ།། དེ་ཅིའི་སླད་དུ་ཞེ་ན། བརྒྱ་བྱིན་དང་ཚངས་པ་ནི་འདི
267b2 ལས་སྐྱེས་ཏེ། བཅོམ་ལྡན་འདས་བདག་རིགས་ཀྱི་བུ་འམ། རིགས་ཀྱི་བུ་མོ་དེ་དག་ལ་བསྙེན་བཀུར་དང་རིམ་གྲོ་བགྱི་བར་སྤྲོའོ།། དེ་དག་ནི་ལྷ་དང་བཅས་པའི་འཇིག་རྟེན་གྱིས་རིམ་གྲོ་བགྱི་བ་དང
267b3 མཆོད་པར་འོས་པ་ལགས་སོ། ། དེ་ནས་ཚངས་པ་མི་མཇེད་ཀྱི་བདག་པོས། བཅོམ་ལྡན་འདས་ལ་ཚིགས་སུ་བཅད་པས་འདི་སྐད་ཅེས་གསོལ་ཏོ།། དགེ་སློང་དང་ནི་དགེ་སློང་མ།། དགེ་བསྙེན་དང
267b4 ནི་དགེ་བསྙེན་མ། ། གང་རྣམས་མདོ་སྡེ་འདི་འཛིན་པ།། སྐྱེ་བོ་ཀུན་གྱི་མཆོད་རྟེན་དེ།། གལ་ཏེ་མདོ་སྡེ་འདི་ལ་ནི།། སེམས་ཅན་གཅིག་འགའ་བཙུད་ན་ཡང་།། འགྲོ་བའི་མགོན་པོ་བདག་སྤྲོ་བ།།
267b5 ཆོས་སྨྲ་བ་ནི་དེ་དག་ལ།། ཁྲི་སྟན་གང་ལ་དེ་མཆིས་ཏེ།། མདོ་སྡེ་འདི་ནི་རབ་སྟོན་པར།། ཚངས་པའི་འཇིག་རྟེན་མན་ཆད་དུ།། མེ་ཏོག་དགྲམ་པར་བདག་སྤྲོའོ།། གང་གི་ལག་ནས་མདོ་སྡེ་འདི།། ཕྱི་མའི་དུས
267b6 ན་ཐོས་འགྱུར་བ། ། དེ་ལ་ཨ་ལ་ལ་ཞེས་ནི།། ལེགས་སྨྲས་ལེགས་ཞེས་བརྗོད་པར་བགྱི།། གང་ན་མདོ་སྡེ་འདི་མཆིས་པར།། མེ་ཡི་ཕུང་པོས་གང་བ་ཡི།། བྱེ་བ་སྙེད་ཀྱི་ཞིང་བརྒལ་ནས།། སྐྱོ་མི་འཚལ
267b7 བར་མཆི་བར་བགྱི། ། རིན་ཆེན་ཕུང་པོ་རི་རབ་ཙམ།། དགའ་བཞིན་དུ་ནི་ཕུལ་ནས་ཀྱང་།། སངས་རྒྱས་ཀྱི་ཡང་ལམ་སྦྱོང་བ།། མདོ་སྡེ་འདི་ཡང་མཉན་པར་བགྱི།། དེ་ནས་བཅོམ་ལྡན་འདས་ཀྱིས་དེའི
iiif viewer powered by OpenSeadragon
