| e-texts navigator |
| Wylie |
267a1 ཤེས་ཚོལ་བར་བསྒྲུབ་པར་བགྱི།། ཁྱོད་ཀྱིས་སྔན་ཆད་མ་སྩལ་བར།། ཡོངས་སུ་མ་བཏང་ཅི་མ་མཆིས།། བདོག་པ་ཐམས་ཅད་གཏོང་བ་ཡི།། བདག་ཀྱང་རྗེས་སུ་བསླས
267a2 པར་བགྱི། ། ཁྱོད་ཀྱིས་མདོ་སྡེ་འདི་ཡང་ནི།། འཇིག་རྟེན་མགོན་ལས་མངོན་དུ་བླངས།། ཡང་དང་ཡང་དུ་བཤད་པར་བགྱི།། བདག་པོ་ཁྱེད་ལ་བགྱིས་པགཟོ།། མདོ་སྡེ་འདི་ལ་སུ་དགའ་བ།། དེ་དག
267a3 བདག་གི་སྟོན་པ་འདྲ། ། བདག་ནི་སངས་རྒྱས་ཆོས་འཚལ་བས།། དེ་ལ་རྟག་ཏུ་རིམ་གྲོ་བགྱིད།། དམ་པའི་ཆོས་རྣམས་ཡོངས་སྲུང་བ།། མགོན་པོ་ཉན་ཐོས་མི་ནུས་ཏེ།། ཕྱི་དུས་འཇིགས་པ
267a4 ཆེན་པོའི་ཚེ། ། བདག་གིས་ཡོངས་སུ་བསྲུང་བར་བགྱི།། མགོན་པོ་བདག་ཀྱང་དབུགས་དབྱུང་གསོལ།། ལྷ་རྣམས་ཐེ་ཙོམ་གཅད་དུ་གསོལ།། ཐུབ་པ་ཁྱུ་མཆོག་ཁྱོད་འདྲ་བ།། ཇི་སྲིད་ཡུན་གྱིས
267a5 འགྲུབ་པར་འགྱུར། ། ཀུན་མཁྱེན་ཡེ་ཤེས་མཁས་པ་ཡི།། བདེ་བར་གཤེགས་པས་དེ་ལུང་བསྟན།། ང་ནི་ཅི་འདྲ་དེ་འདྲ་བར།། ཁྱོད་ཀྱང་རྫོགས་པའི་སངས་རྒྱས་འགྱུར།། བསྐལ་པ་བྱེ་བ་ཕྲག
267a6 སྟོང་དང་། ། བསྐལ་པ་བྱེ་བ་བརྒྱ་ཡི་ཚེ།། འཇིག་རྟེན་དུ་ནི་སངས་རྒྱས་འགྱུར།། མིང་ནི་ཡེ་ཤེས་འབྱུང་ཞེས་བྱ།། བྱང་ཆུབ་ཞི་པ་ཐོབ་ནས་ཀྱང་།། བདུད་རྣམས་རབ་ཏུ་བཏུལ་ནས་ནི།། སེམས་ཅན་བྱེ
267a7 བ་ཕྲག་སྟོང་རྣམས། ། བྱང་ཆུབ་ལ་ཡང་འགོད་པར་འགྱུར།། དེ་ནས་མི་མཇེད་ཀྱི་བདག་པོ་ཚངས་པས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་བསམ་གཏན
iiif viewer powered by OpenSeadragon
