| e-texts navigator |
| Wylie |
266b1 ཀྱང་། ། ཚངས་པར་སྤྱོད་པ་རབ་སྤྱད་དེ།། བསྐལ་པ་བཟང་འདིར་གང་བྱུང་བ།། བདག་པོ་དེ་དག་མཐོང་བར་འགྱུར།། ཐམས་ཅད་ལ་ཡང་མཆོད་བྱས་ཏེ།། ཚངས་པར་སྤྱོད་པ་སྤྱད་ནས་ནི།། བསྐལ་པ
266b2 བྱེ་བ་དྲུག་ཅུ་ན། ། དེ་ནས་ཁྱོད་ནི་སངས་རྒྱས་འགྱུར།། སངས་རྒྱས་ཞིང་ནི་ལེགས་བརྒྱན་པ།། རིན་ཆེན་གདུགས་ཞེས་བྱ་བར་ནི།། བྱང་ཆུབ་སེམས་དཔའ་ཤ་སྟག་ལ།། ཁྱོད་ནི་ཆོས་རྣམས་སྟོན་པར
266b3 འགྱུར། ། ཚེ་ཡི་ཚད་ནི་བསྐལ་པར་འགྱུར།། སེམས་ཅན་རྣམས་ལ་ཕན་པའི་ཕྱིར།། མྱ་ངན་ལས་འདས་པའི་དམ་ཆོས་ཀྱང་།། མ་འདྲེས་བསྐལ་པ་ཕྱེད་དུ་གནས།། དེ་ནས་བཅོམ་ལྡན་འདས་ལ།།
266b4 ལྕིའི་དབང་པོ་བརྒྱ་བྱིན་གྱིས་གཡོག་བརྒྱ་སྟོང་ཕྲག་དུ་མ་དང་བཅས་པས་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་གིས་ཀྱང་ཆོས་སྨྲ་བ་མདོ་སྡེ་འདི་འཆང་བ་དེ་དག་བསྲུང་བ་དང་། ཡོངས
266b5 སུ་གཟུང་བར་བགྱིའོ། ། བསྙེན་བཀུར་དང་རིམ་གྲོར་ཡང་བགྱིའོ།། གང་ན་ཆོས་ཀྱི་རྣམ་གྲངས་འདི་ཡི་གེར་འདྲི་བ་འམ།། ཀློག་པ་དེར་ཅི་ནས་ཀྱང་ཆོས་སྨྲ་བ་དེའི་སྟོབས་དང་། མཐུ་དང་། ཆོས་ཀྱི
266b6 མཚམས་སྦྱོར་བ་སྤོབས་པར་འགྱུར་བར་བདག་འཁོར་དང་བཅས་ཏེ་ཆོས་ཉན་དུ་མཆིའོ། ། དེ་ནས་ལྷའི་དབང་པོ་བརྒྱ་བྱིན་གྱི་བུ་སྦེད་བྱེད་ཅེས་བྱ་བ་དེས།། དོ་ཤལ་རིན་པོ་ཆེ་ཐམས་ཅད་ཀྱིས་སྤྲས་པ་དེ།
266b7 བཞིན་གཤོགས་པ་ལ་ཕུལ་ནས་ཚོགས་སུ་བཅད་པ་འདི་དག་གསོལ་ཏོ།། ཐུབ་པ་བདག་འདིར་མངོན་སུམ་སྟེ།། ཇི་ལྟར་ཁྱོད་ཀྱིས་སྔོན་སྤྱད་པ།། དེ་བཞིན་བདག་ཀྱང་སངས་རྒྱས་ཀྱི།།
iiif viewer powered by OpenSeadragon
