| e-texts navigator |
| Wylie |
266a1 བདག་གིས་ཀུན་ཏུ་བསྲུང་བར་བགྱི།། དེ་ནས་རྒྱལ་པོ་ཆེན་པོ་རྣམ་ཐོས་ཀྱི་བུས་ཚིགས་སུ་བཅད་པ་འདི་སྐད་ཅེས་གསོལ་ཏོ།། གང་དག་བྱང་ཆུབ་ཕྱིར་བརྩོན་པ།། དེ་ལ་ཅི་འདྲ
266a2 འོས་པ་ཡི། ། དེ་འདྲའི་མཆོད་པ་བགྱིད་པར་ནི།། སེམས་ཅན་ཀུན་གྱིས་མི་ནུས་སོ།། དེ་ནས་བཅོམ་ལྡན་འདས་ལ། རྒྱལ་པོ་ཆེན་པོ་རྣམ་ཐོས་ཀྱི་བུ་བདེན་པའི་ཟླ་བ་ཞེས་བྱ་བ་དེས་རིན་པོ་ཆེ་སྣ་བདུན
266a3 ལས་བྱས་པའི་གདུགས་གསོལ་ནས། ཚིགས་སུ་བཅད་པ་འདི་སྐད་ཅེས་གསོལ་ཏོ།། དེ་བཞིན་གཤེགས་ལས་བདག་ཉིད་ཀྱིས།། ཆོས་ཀྱི་རྣམ་གྲངས་གཟུང་བར་བགྱི།། ཕ་རོལ་ལ་ཡང་བསྟན་པར་བགྱི།།
266a4 བདག་གི་བསམ་པ་དེ་འདྲའོ།། བཅོམ་ལྡན་འདས་ཀྱིས་བདག་སེམས་དང་།། སྔོན་གྱི་སྤྱད་པ་ཅི་འདྲ་མཁྱེན།། ཇི་ལྟར་བདག་གིས་སེམས་འདུད་པ།། བདག་ནི་འཇིག་རྟེན་རྣམ་འདྲེན་འགྱུར།། སངས
266a5 རྒྱས་དཔག་མེད་སྐྱོབ་པ་ལ། ། བདག་གིས་གདུགས་འདི་ཕུལ་བ་ཡིས།། བདག་ནི་ཐུབ་པོ་ཁྱོད་འདྲ་བར།། སྤྱི་གཙུག་པ་ལྟར་ཡང་མི་གདར་འགྱུར།། སངས་རྒྱས་སྐྱེས་བུ་དམ་པ་ཡང་།། བདག་གིས
266a6 བྱམས་པས་བལྟས་པ་ཡིས། ། ཡོངས་སུ་དག་པའི་མིག་ཐོབ་སྟེ།། རྒྱལ་བ་མ་ཕམ་བལྟ་བར་བགྱི།། ཡེ་ཤེས་ཕ་རོལ་ཕྱིན་པ་ཡི།། སྟོན་པས་དེ་ནས་ལུང་བསྟན་ཏེ།། ཁྱོད་ནི་འདི་ནས་ཕྱི་དུས་ན།། དགའ
266a7 ལྡན་དུ་ཡང་སྐྱེ་བར་འགྱུར། ། དགའ་ལྡན་ནས་ནི་ཤི་འཕོས་ནས།། རྒྱལ་བ་བྱམས་པ་མཐོང་བར་འགྱུར།། བསྐལ་པ་སྟོང་ཕྲག་ཉི་ཤུར་ནི།། མཆོད་པ་བྱས་ནས་འབྱུང་བར་འགྱུར།། ཁྱོད་ནི་རབ་ཏུ་བྱུང་ནས
iiif viewer powered by OpenSeadragon
