| e-texts navigator |
| Wylie |
265b1 དེ་དག་གྲོང་ངམ། གྲོང་ཁྱེར་རམ། ལྗོངས་སམ། ལྗོངས་ཀྱི་ཕྱོགས་གང་ན་གནས་ཀྱང་རུང་། ཁྱིམ་པ་འམ། རབ་ཏུ་བྱུང་བའང་རུང་སྟེ། བཅོམ་ལྡན་འདས་བདག་ཅག་རྒྱལ་པོ་བཞི་སྟོབས་དང
265b2 བཅས། འཁོར་དང་བཅས་པས། རིགས་ཀྱི་བུ་འམ། རིགས་ཀྱི་བུ་མོ་དེ་དག་གི་རིམ་གྲོ་བགྱི་བར་བདག་ཅག་སྤྲོའོ།། བསྲུང་བ་དང་། བསྐྱབ་པ་དང་། སྤྲོ་བ་དང་། སྤོབས་པ་དང་། གཞན་གྱིས
265b3 གནོད་པར་མི་བགྱི་ཞིང་མི་གཙེ་བར་བགྱི་བའི་སླད་དུ་བདག་ཅག་སྤྲོའོ། ། བཅོམ་ལྡན་འདས་ས་ཕྱོགས་གང་ན་ཆོས་ཀྱི་རྣམ་གྲངས་འདི་རབ་ཏུ་སྤྱོད་པར་འགྱུར་བའི་ས་ཕྱོགས་དེར་དཔག་ཚད་བརྒྱ་ཁོར
265b4 ཁོར་ཡུག་ཏུ་ལྷ་འམ། ཀླུ་འམ། གནོད་སྦྱིན་ནམ། གྲུལ་བུམ་གྱིས་གླགས་མི་རྙེད་དོ།། དེ་ནས་རྒྱལ་པོ་ཆེན་པོ་འཕགས་སྐྱེས་པོས་ཚིགས་སུ་བཅད་པ་འདི་སྐད་ཅེས་གསོལ་ཏོ།། བདག་ལ་བུ
265b5 དང་གཉེན་བཤེས་དང་། ། བྲན་དང་འཁོར་རྣམས་ཅི་མཆིས་པ།། དེ་དང་བདག་ཅག་གྲོགས་བཅས་པས།། བདག་པོ་དེ་དག་རིམ་གྲོ་བགྱིད།། དེ་ནས་རྒྱལ་པོ་ཆེན་པོ་མིག་མི་བཟང་གིས་ཚིགས་སུ་བཅད
265b6 པ་འདི་སྐད་ཅེས་གསོལ་ཏོ། ། བདག་ནི་ཆོས་ཀྱི་རྒྱལ་པོའི་སྲས།། ཆོས་ལས་སྐྱེས་པ་ཆོས་ཀྱི་སྤྲུལ།། ཁྱོད་ཀྱི་སྲས་གང་བྱང་ཆུབ་ཏུ།། ཞུགས་པ་དེ་དག་རིམ་གྲོ་བགྱིད།། དེ་ནས་རྒྱལ་པོ་ཆེན
265b7 པོ་ཡུལ་འཁོར་སྲུང་གིས་ཚིགས་སུ་བཅད་པ་འདི་སྐད་ཅེས་གསོལ་ཏོ། ། སངས་རྒྱས་གསུངས་པའི་མདོ་སྡེ་འདི།། གང་དག་འཛིན་པར་འགྱུར་བ་རྣམས།། དེ་དག་ཕྱོགས་བཅུ་རྣམས་སུ་ཡང།
iiif viewer powered by OpenSeadragon
