| e-texts navigator |
| Wylie |
265a1 སྲུང་བས་ངོ་ཚ་ཤེས་ཤིང་ཁྲེལ་ཡོད་པའི་སྟོབས་སྐྱེད་པ་དང་། ཤེས་རབ་ཡོངས་སུ་རྫོགས་པས་ཐོས་པའི་སྟོབས་སྐྱེད་པ་དང་། ཐོས་པ་ཐམས་ཅད་ཡོངས་སུ་འཛིན་པས་གཟུངས་ཀྱི
265a2 སྟོབས་སྐྱེད་པ་དང་། སངས་རྒྱས་ཀྱི་བྱིན་གྱི་རླབས་ཀྱིས་ཡོངས་སུ་བཟུང་བས་སྤོབས་པའི་སྟོབས་སྐྱེད་པ་དང་། མངོན་པར་ཤེས་པ་ལྔ་རབ་ཏུ་ཐོབ་པས་ཟབ་མོའི་སྟོབས་སྐྱེད་པ་དང་། མྱུར་དུ་ཐམས་ཅད་མཁྱེན
265a3 པའི་ཡེ་ཤེས་ཡོངས་སུ་རྫོགས་པས་མི་སྐྱེ་བའི་ཆོས་ལ་བཟོད་པ་སྐྱེད་པ་སྟེ། འཇམ་དཔལ་སྤྱོད་པ་ལ་ཞུགས་པའི་ཆོས་སྨྲ་བ་གང་རིག་པ་དང་། སྔགས་ཀྱི་ཚིག་འདི་རབ་ཏུ་འདོན་པ་དེ་ནི་སྟོབས་སྐྱེད་པ་དེ་བ
265a4 རབ་ཏུ་ཐོབ་པར་འགྱུར་རོ། ། རིག་པ་དང་སྔགས་ཀྱི་ཚིག་བསྟན་པ་འདི་བཅོམ་ལྡན་འདས་ཀྱིས་བཤད་པའི་ཚེ། རྒྱལ་པོ་ཆེན་པོ་བཞི་སྐྲག་ཅིང་བ་སྤུ་ལངས་པར་གྱུར་ཏེ། གཡོག་བརྒྱ་སྟོང་ཕྲག་དུ་མ་དང་། བཅོམ
265a5 ལྡན་འདས་ག་ལ་བ་དེར་དོང་ནས་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཐལ་མོ་སྦྱར་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས
265a6 བདག་ཅག་རྒྱལ་པོ་ཆེན་པོ་བཞི་པོ་འདི་དག་ནི་རྒྱུན་དུ་ཞུགས་པ། ། དེ་བཞིན་གཤེགས་པའི་བཀའ་སྒྲུབ་པར་བགྱིད་པ་སྟེ། གཉེན་བཤེས་དང་བཅས། འཁོར་དང་བཅས་པས་རིགས་ཀྱི་བུ་དང་། རིགས
265a7 ཀྱི་བུ་མོ་ཆོས་སྨྲ་བ་དང་། ཆོས་སྟོན་པ་དང་། མདོ་སྡེ་འདི་ལྟ་བུ་འཆང་བ་དང་། ཀློག་པ་དེ་དག་ལེ་བཅོམ་ལྡན་འདས་བདག་ཅག་རྒྱལ་པོ་ཆེན་པོ་བཞིས་བསྲུང་བ་དང་། བསྐྱབ་པ་དང་། སྦ་བར་བགྱིའོ།།
iiif viewer powered by OpenSeadragon
