| e-texts navigator |
| Wylie |
264b1 ། གནས་པ། མི་སླུ་བ། ནང་དུ་ཡང་དག་འཇོག་ལ་མངོན་པར་དགའ་བ། ཚུལ་བཞིན་ཡིད་ལ་བྱེད་པ་ལ་བརྩོན་པ། ཚུལ་བཞིན་མ་ཡིན་པ་ཡིད་ལ་བྱེད་པ་དང་བྲལ་བ། སྦྱངས་པའི་ཡོན་ཏན་དང་ཡོ་བྱད
264b2 བསྙུངས་པ་ལ་མངོན་པར་དགའ་བ། རྙེད་པ་དང་མ་རྙེད་པ་ལ་སེམས་མཉམ་པ། མྱ་ངན་ལས་འདས་པ་ལ་མངོན་དུ་ཕྱོགས་པ། འཁོར་བས་འཇིགས་ཤིང་སྐྲག་པ། སྡུག་པ་དང་མི་སྡུག་པ་ལ་སེམས
264b3 མཉམ་པ། འདུ་ཤེས་སྣ་ཚོགས་དང་བྲལ་བ། ལུས་དང་སྲོག་འདོར་བ་དངོས་པོ་ཐམས་ཅད་ལ་མི་བལྟ་བ། སྤྱོད་པ་དང་ཆོ་ག་ཕུན་སུམ་ཚོགས་པ། ཚུལ་ཁྲིམས་དང་སྡོམ་པ་ལ་མངོན་པར་དགའ་བ།
264b4 བཟོད་པ་དང་ངེས་པ་མང་བ། ངན་དུ་ཟེར་བ་བཟོད་པའི་རང་བཞིན་ཅན། བརྩོན་འགྲུས་བརྩམས་པ། སེམས་ཅན་ཐམས་ཅད་ཀྱི་བྱ་བ་ཅི་ཡོད་ཅེས་བྱ་བ་ལ་བརྩོན་པ། བཞིན་འཛུམ་པ་ཁྲོ་གཉེར་དང
264b5 བྲལ་བ། གསོང་པོར་སྨྲ་བ། ང་རྒྱལ་བཅོམ་པ།། དེས་པ། འགྲོགས་ན་བདེ་བ། དེ་ལྟ་བུའི་སྤྱོད་པ་ལ་རབ་ཏུ་གནས་པའི་རིགས་ཀྱི་བུ་འམ། རིགས་ཀྱི་བུ་མོས་འཇམ་དཔལ་སྔགས་ཀྱི་ཚིག
264b6 འདི་རབ་ཏུ་གདོན་པར་བྱའོ། ། འཇམ་དཔལ་དེ་ལྟར་ན་ཆོས་སྨྲ་བ་དེ་ཚེ་འདི་ཉིད་ལ་སྟོབས་སྐྱེད་པ་བཅུ་རབ་ཏུ་འཐོབ་བོ།། བཅུ་གང་ཞེ་ན། མི་བརྗེད་པའི་ཆོས་ཉིད་པས་དྲན་པའི་སྟོབས་སྐྱེད་པ་དང་།
264b7 ཆོས་རབ་ཏུ་འབྱེད་པ་ལ་མཁས་པས་བློ་གྲོས་ཀྱི་སྟོབས་སྐྱེད་པ་དང་། མདོ་སྡེའི་ཚུལ་ཁོང་དུ་ཆུད་པས་རྟོགས་པའི་སྟོབས་སྐྱེད་པ་དང་སྡོམ་པ་དང་སྤོད་པ་མི་གཏོང་བས་དང་པའི་སྟོབས་སྐྱེད་པ་དང་། བདག་དང་གཞན
iiif viewer powered by OpenSeadragon
