| e-texts navigator |
| Wylie |
263b1 ཀྱི་བུ་མོ་གང་དག་གོ་ཆ་ཆེན་པོ་བགོས་པ་དག་གི་རྣ་ལམ་དུ་གདའ་བར་འགྱུར་བ་དང་། རིགས་ཀྱི་བུ་དང་། རིགས་ཀྱི་བུ་མོ་དེ་དག་བདུད་ཀྱི་ལས་སྐྱེས་ཤིང་བྱུང་བ་རྣམས་ཀྱི་དབང་དུ་མི་མཆི་བ་དང་།
263b2 དེ་དག་ལ་བདུད་དམ། བདུད་ཀྱི་རིས་ཀྱི་ལྷ་དག་གིས་གླགས་རྙེད་པར་མི་འགྱུར་བ་དང་། ཆོས་ཀྱི་རྣམ་གྲངས་འདི་ཡོངས་སུ་གཟུང་ཞིང་གོ་ཆ་ཆེན་པོ་བགོས་ཏེ། བླ་ན་མེད་པ་ཡང་དག་པར་རྫོགས་པའི
263b3 བྱང་ཆུབ་ཡོངས་སུ་མི་ཉམས་པར་བྱིན་གྱིས་བརླབ་པར་གསོལ། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་དེ་བས་ན་ཆོས་ཀྱི་རྣམ་གྲངས་འདི་བྱིན་གྱིས་བརླབ་པ་དང་། ཡུན་རིང་དུ་གནས་པ
263b4 བྱ་བའི་ཕྱིར། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། གྲུལ་བུམ་འབེབས་པ་ཞེས་བྱ་བའི་རིག་པ་དང་།
263b5 སྔགས་ཀྱི་ཚིག་འདི་བཤད་ཀྱིས་ཉོན་ཅིག། རིག་པ་དང་སྔགས་ཀྱི་ཚིག་དེ་བཅངས་པས་རིགས་ཀྱི་བུ་འམ། རིགས་ཀྱི་བུ་མོ་ཆོས་སྨྲ་བ་དེ་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ
263b6 མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། གྲུལ་བུམ་རྣམས་ཀྱིས་ཡོངས་སུ་བསྲུང་བ་རབ་ཏུ་ཐོབ་སྟེ། རིགས་ཀྱི་བུ་འམ། རིགས་ཀྱི་བུ་མོ་དེ་དག་ལམ་མམ། ལམ་ལོག་པར་སོང་ངམ།
263b7 གཙུག་ལག་ཁང་དུ་སོང་ངམ། གནས་ཁང་དུ་སོང་ངམ། འཆག་པ་ལ་ཞུགས་སམ། འཁོར་གྱི་ནང་དུ་སོང་ཡང་རུང་སྟེ། སྲུང་བར་བྱེད་དོ།། སྤོབས་པ་སྐྱེད་པར་བྱེད། དྲན་པ་དང་། བློ་གྲོས་དང་།
iiif viewer powered by OpenSeadragon
