| e-texts navigator |
| Wylie |
263a1 དེ་ནས་འཁོར་དེར་ལྷའི་བུ་ལྔ་བརྒྱ་ཙམ་གྱིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་ཅག་ཀྱང་བྱང་ཆུབ་ལ་མངོན་པར་མི་དགའ། མངོན་པར་མ་ཆགས། མི
263a2 དམིགས། མི་འཚལ། མི་སྨོན། མི་རྟོག། རྣམ་པར་མི་རྟོག་ན། ཅིའི་སླད་དུ་བཅོམ་ལྡན་འདས་ཀྱིས་བདག་ཅག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་མི་བསྟན་ཏོ།། དེ་ནས་སངས་རྒྱས་ཀྱི་མཐུས་སྟེང་གི
263a3 བབར་སྣང་ལ་སངས་རྒྱས་སྟོང་ཕྲག་བརྒྱད་ཅུ་རྩ་བཞི་མཐོང་སྟེ། དེ་བཞིན་གཤེགས་པ་དེ་དག་གིས་དེ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ།། དེ་ནས་བཅོམ་ལྡན་འདས་ལ།། ལྷའི་བུ་དེ
263a4 དག་གིས་འདི་སྐད་ཅེས་གསོལ་ཏོ། ། བཅོམ་ལྡན་འདས་དེ་བཞིན་གཤེགས་པས་འདི་སྐད་དུ་བྱང་ཆུབ་སེམས་དཔའ་གང་བྱང་ཆུབ་ལ་མངོན་པར་མི་དགའ། མངོན་པར་མ་ཆགས། མི་དམིགས། མི་འདོད། མི་སྨོན།
263a5 མི་སེམས།། མི་རྟོག། རྣམ་པར་མི་རྟོག་པ་དེ་བྱང་ཆུབ་ཏུ་ལུང་བསྟན་པར་འགྱུར་རོ་ཞེས་ལེགས་པར་གསུངས་པ་དེ་ནི་ངོ་མཚར་ཏེ། བཅོམ་ལྡན་འདས་བདག་ཅག་གིས་སྟེང་གི་ཕྱོགས་ན། སངས་རྒྱས་སྟོང་ཕྲག་བརྒྱད
263a6 ཅུ་རྩ་བཞི་མཐོང་སྟེ། དེ་བཞིན་གཤེགས་པ་དེ་དག་ཐམས་ཅད་བདག་ཅག་ལ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་སྟོན་ཏོ།། དེ་ནས་འཇམ་དཔལ་གཞོན་ནུར་གྱུར་པས། བཅོམ་ལྡན་འདས་ལ་འདི་སྐད
263a7 ཅེས་གསོལ་ཏོ། ། བཅོམ་ལྡན་འདས་གང་སླད་མའི་དུས་ལྔ་བརྒྱ་པ་ཐ་མ་ལ་འཛམ་བུའི་གླིང་འདིར་ཆོས་ཀྱི་རྣམ་གྲངས་འདི་རབ་ཏུ་སྤོད་པ་དང་། ཡུན་རིང་དུ་གནས་པར་འགྱུར་བ་དང་། རིགས་ཀྱི་བུ་དང་། རིགས
iiif viewer powered by OpenSeadragon
