| e-texts navigator |
| Wylie |
262b1 དགེ་བསྙེན་དང་། དགེ་བསྙེན་མ་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་གང་དག་གིས་ཆོས་ཀྱི་རྣམ་གྲངས་འདི་ལ་བཟོད་པ་རབ་ཏུ་ཐོབ་པ་དེ་དག་ཐམས་ཅད་དེ་བཞིན་གཤེས
262b2 པ་རིན་པོ་ཆེ་བཀོད་པའི་སངས་རྒྱས་ཀྱི་ཞིང་འཇིག་རྟེན་གྱི་ཁམས་རིན་ཆེན་ལྡན་དུ་སྐྱེ་བར་འགྱུར་རོ། ། དེ་ནས་བཅོམ་ལྡན་འདས་ལ། ལྷའི་བུ་དྲི་མ་མེད་པའི་ཏོག་གིས་འདི་སྐད་ཅེས་གསོལ་ཏོ།། བཅོམ
262b3 ལྡན་འདས་གང་བདག་ནི་བྱང་ཆུབ་མི་འཚལ། མི་སྨོན། མངོན་པར་མི་དགེའ། མངོན་པར་མ་ཆགས། མི་དམིགས། མི་སེམས། མི་རྟོག། རྣམ་པར་མི་རྟོག་ན། ཅིའི་སླད་དུ་བཅོམ་ལྡན
262b4 འདས་ཀྱིས་བདག་ལ་ལུང་བསྟན། བཅོམ་ལྡན་འདས་ཀྱིས་བཀའ་སྩལ་པ། ལྷའི་བུ་འདི་ལྟར་སྐྱེས་བུ་ལ་ལ་ཞིག་གིས་རྩཝ་དང་། ཤིང་དང་། ཡལ་ག་དང་། ལོ་མ་དང་། འདབ་མ་དག་མེར་བཅུག
262b5 ནས་འདི་སྐད་དུ་རྩཝ་དང་། ཤིང་དང་། ཡལ་ག་དང་། ལོ་མ་དང་། འདབ་མ་དག་མ་ཚིག་ཅིག་ཅེས་སྨྲས་ན། དེ་དེའི་དབང་གིས་མི་འཚིག་པ་མ་ཡིན་ནོ།། ལྷའི་བུ་དེ་བཞིན་དུ་འདི་ལྟར་བྱང་ཆུབ་སེམས་དཔ
262b6 བྱང་ཆུབ་ལ་མངོན་པར་མི་དགའ། མངོན་པར་མ་ཆགས། མི་དམིགས། མི་འདོད། མི་སྨོན། མི་སེམས། རྣམ་པར་མི་རྟོག་ཀྱང་སངས་རྒྱས་ཐམས་ཅད་ལུང་སྟོན་ཏེ། ལྷའི་བུ་འོན་ཀྱང་བྱང་ཆུབ
262b7 སེམས་དཔའ་གང་བྱང་ཆུབ་ལ་མངོན་པར་མི་དགའ། མངོན་པར་མ་ཆགས། མི་དམིགས། མི་འདོད། མི་སྨོན། མི་སེམས། རྣམ་པར་མི་རྟོག་པ་དེ་ལ་དེ་བཞིན་གཤེགས་པ་རྣམས་ལུང་སྟོན་ཏོ།།
iiif viewer powered by OpenSeadragon
