| e-texts navigator |
| Wylie |
259a1 ཇི་ལྟར་ཐོས་པ་དག་ཀྱང་སྟོན་པར་བྱེད།། ཇི་ལྟར་འདི་མོས་རྣམ་པར་འགྲོལ་བ་ཡང་།། སྐྱེ་བོ་དག་གི་སྤྱོད་པ་དེ་དག་ཤེས།། ཇི་ལྟར་མོས་པ་མཁས་ཤིང་རྟོགས་པ་སྟེ།
259a2 ནན་ཏན་སྙིང་པོར་བྱེད་ཅིང་མུ་སྟེགས་ཐོབ།། འདི་རྣམས་ཚོགས་པ་ལས་ནི་འདི་སྐྱེ་ཞེས།། དེ་དང་དེ་དག་ཆོས་ཀུན་རབ་ཏུ་ཤེས།། དེ་དག་རྐྱེན་ལ་མཁས་ཤིང་རྟོགས་པ་སྟེ།། མཐའ་གཉིས
259a3 ལྟ་བ་སྤངས་ཤིང་མཉམ་ལ་དགའ། ། ཆོས་འདི་གང་ནས་འོངས་ཤིང་གར་འགྲོ་ཞེས།། དེ་དག་ཆོས་ལ་ཚུལ་བཞིན་རྣམ་པར་ལྟ།། ཆོས་ཀུན་འོངས་པ་མ་ཡིན་བྱུང་བ་མིན།། གནས་པ་ཆོས་ཉིད་མཚུངས
259a4 པར་རབ་ཏུ་ཤེས། ། ཇི་ལྟ་ཇི་ལྟར་འདུས་བྱས་རྫུན་དུ་མཐོང་།། དེ་ལྟ་དེ་ལྟར་སྙིང་རྗེ་ཅན་དུ་འགྱུར།། མི་བདེ་ཉོན་མོངས་སྐྱེ་བོ་སྡུག་བསྔལ་ཏེ།། དེ་དག་ཐར་པར་བྱ་ཕྱིར་སྤྱད་པ་སྤྱོད།། ང་དང་ང
259a5 ཡི་ཞེས་ནི་རྣམ་བརྟགས་ནས། ། བྱིས་པ་མི་མཉམ་པ་ལ་བརྩོན་པས་སྤྱོད།། ཆོས་དེ་ཡང་དག་མ་ཡིན་ཤེས་ནས་ནི།། ལྟ་བ་སྤངས་པའི་ཕྱིར་ནི་ཆོས་པ་སྤྱོད།། བདག་མེད་བདག་ཏུ་མི
259a6 སྡུག་སྡུག་པར་ཏེ། ། སྡུག་བསྔལ་བདེ་བར་མི་རྟག་རྟག་པར་ཡང་།། སེམས་ལོག་སོ་སོའི་སྐྱེ་བོ་རྣམས་ལ་ནི།། འཁོར་བའི་སྔོན་གྱི་མཐའ་ཡང་ཡོད་མ་ཡིན།། དེ་དག་ལོག་པའི་སྦྱོར།
259a7 བ་དེ་ཤེས་ནས།། འདི་ལ་སེམས་ཅན་མིང་དང་གང་ཟག་མེད།། གང་ལ་བདག་སྡུག་རྟག་བདེ་མེད་པ་ཡི།། ཡང་དག་སྦྱོར་བ་ལ་ཡང་རྣམ་པར་སྒོམ།། འོད་སྲུངས་དེ་ཡི་ཡོན་ཏན
iiif viewer powered by OpenSeadragon
