| e-texts navigator |
| Wylie |
258b1 སྤྲིན་ལྟ་བུ་ཡང་ཚད་མེད་བློ་གྲོགས་ཤིང་།། འཇིག་རྟེན་གསུམ་དུ་བདུད་རྩིའི་ཆར་པ་འབེབས།། དེ་དག་སེང་གེ་ལྟ་བུར་འཇིགས་སྐྱོན་མེད།། གླང་པོ་ཆེ་ལྟར་ཤིན་ཏུ་དུལ་བའི་སེམས།།
258b2 དག་རི་རབ་རི་བོ་འདྲ་མཚུངས་ཏེ།། དེ་དག་ཕ་རོལ་རྒོལ་བས་མི་ཐུབ་བོ།། དེ་དག་རྣམ་པར་དང་བ་ཆུ་བཞིན་ཏེ།། རྟག་ཏུ་བསྙེན་པར་དཀའ་བ་མེ་དང་འདྲ།། དེ་དག་རླུང་ལྟར་རྟག་ཏུ་ཆགས་མེད
258b3 ཅིང་། ། ས་དང་འདྲ་བར་ཐ་བ་རབ་ཏུ་སྤངས།། གནོད་སེམས་ང་རྒྱལ་ཐ་བ་ཕྲག་དོག་བྲལ།། དེ་དག་རྩཝ་འམ་ཤིང་ལྟར་རྟོག་པ་མེད།། འཇིག་རྟེན་ཆོས་རྣམས་བརྒྱད་པོས་མགོས་ཤིང་།།
258b4 དག་ཚུལ་ཁྲིམས་རྣམ་དག་པདྨ་བཞིན།། དེ་དག་ཨུ་དུམ་ཝ་རའི་མེ་ཏོག་ལྟར།། དགེ་ཞིང་བསྐལ་པ་བྱ་བར་སྒྲ་ཐོས་དཀའ།། དེ་དག་རྐང་གཉིས་གཙོ་ལ་བྱས་པ་གཟོ།། དེ་དག་སངས་རྒྱས།།
258b5 རིགས་ལ་གནས་པར་བརྩོན།། དེ་དག་སྙིང་རྗེ་ཆེ་ཞིང་བརྟུལ་ཞུགས་བརྟན།། བྱམས་ལ་གནས་དང་དགའ་ལ་མངོན་པར་འཕགས།། འདོད་པའི་ཡོན་ཏན་ལྔ་ལ་བཏང་སྙོམས་ཤིང་།།
258b6 རྟག་ཏུ་རྒྱལ་བ་དག་གི་ནོར་རྣམས་ཚོལ།། དེ་དང་དེ་དག་སྦྱིན་པས་ཁྱད་པར་སོང་།། ཡེ་ཤེས་ཚུལ་ཁྲིམས་ལ་ཡང་རབ་ཏུ་གནས།། དེ་དག་བཟོད་པའི་སྟོབས་ཀྱིས་གཅིག་ཏུ་དཔའ།། བརྩོན
258b7 འགྲུས་འཕགས་ཤིང་རྟག་ཏུ་མཐུ་དང་ལྡན། ། དེ་དག་བསམ་གཏན་མངོན་པར་ཤེས་ལ་མཁས།། དེ་དག་ཚད་མེད་ཞིང་དུ་འཕྲུལ་གྱིས་འགྲོ།། ཐུབ་པ་དམ་མཆོག་ལ་ཡང་ཆོས་ཉན་ཅིང་།།
iiif viewer powered by OpenSeadragon
