| e-texts navigator |
| Wylie |
258a1 པ་ནི། ། དགྲ་བཅོམ་རང་རྒྱལ་དག་གིས་ཤེས་མི་ནུས།། མ་ལུས་ཕྱོགས་ཀྱི་ནམ་མཁའི་དབྱིངས་རྣམས་ཀྱང་།། མཆོག་རྣམས་ཀྱིས་ནི་ཚད་གཟུང་ནུས་སྲིད་ཀྱི།།
258a2 ནམ་མཁའ་བས་ཀྱང་ལྷག་པ་དེ་དག་གི།། ཡེ་ཤེས་ཚད་ནི་ནམས་ཀྱང་གཟུང་མི་ནུས།། བྱང་ཆུབ་སེམས་དཔའ་བརྩོན་འགྲུས་བརྟུལ་བརྟན་ཞིང་།། གང་དག་འཇིག་རྟེན་མ་ལུས་དགྲོལ
258a3 བའི་ཕྱིར། ། རྒྱ་ཆེ་ཡངས་པའི་སེམས་རབ་གཞོལ་བྱས་པས།། འོད་སྲུངས་དེ་དང་མཚུངས་མེད་ག་ལ་ལྷག། དེ་དག་རིན་ཆེན་འབྱུང་གནས་རྒྱ་མཚོ་འདྲ།། དེ་དག་བསོད་ནམས་ཡིན
258a4 ལ་བསོད་ནམས་ཞིང་། ། དེ་དག་དཔྱད་པའི་རྒྱལ་པོ་སྨན་པའི་མཆོག། སེམས་ཅན་ཡུན་རིང་ན་བ་ཐར་པར་བྱེད།། དེ་དག་གནས་ཡིན་སྐྱབས་དང་དཔུང་གཉེན་ཏེ།། སྐྱོབ་པ་སྒྲོན་མ་དེ
258a5 བཞིན་འོད་བྱེད་པ། ། སྐྱེ་བོ་མདོངས་པ་རྣམས་ཀྱི་མིག་སྐྱེད་པ།། དེ་ཐོབ་པས་ནི་དེ་དག་བདུད་རྩི་འཐོབ།། དེ་དང་དེ་དག་ཆོས་ཀྱི་རྒྱལ་མཆོག་འབར།། དེ་རྣམས་བརྒྱ་བྱིན་དོན་མང་སེམས
258a6 པ་སྟེ། ། ཚངས་པ་བསམ་གཏན་བཞི་ལ་གནས་པ་ཡིན།། དེ་དག་ཚངས་པའི་ཆོས་ཀྱི་འཁོར་ལོ་བསྐོར།། དེ་དག་དེད་དཔོན་མཁས་པ་འདྲེན་པ་སྟེ།། ལོག་པའི་ལམ་དུ་གནས་ལ་ལམ་སྟོན
258a7 པ། ། དེ་དང་དེ་དག་བདུད་འཇོམ་དཔའ་བོ་སྟེ།། སེམས་ཅན་དམ་པ་བྱང་ཆུབ་སྙིང་པོར་གནས།། དེ་དག་ཆོས་དཀར་ཚད་མེད་ཟླ་བ་བཞིན།། དེ་དག་འོད་ཟེར་མངོན་འཕགས་ཉི་མ་འདྲ།།
iiif viewer powered by OpenSeadragon
