| e-texts navigator |
| Wylie |
256b1 ཆེན་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་རྒྱ་མཚོ་ཆེན་པོའི་གཏིང་ངམ་ཚད་གཟུང་བར་ནི་ནུས་ཀྱི
256b2 ཉན་ཐོས་དང་། རང་སངས་རྒྱས་དང་། ལྷ་དང་བཅས་པའི་འཇིག་རྟེན་གྱི་སྐྱེས་བུ་དམ་པ་དེ་དག་གི་གཏིང་ངམ་ཚད་གཟུང་བར་ནི་མི་ནུས་ཏེ། དེ་བས་ན་སྐྱེས་བུ་དམ་པ་དེ་དག་སེམས་ནམ
256b3 མཁའ་དང་མཚུངས་ཞེས་བགྱིའོ། ། བཅོམ་ལྡན་འདས་ཀྱིས་བཀའ་སྩལ་པ། འོད་སྲུངས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་ཀྱི་རྒྱ་མཚོ་ཆེན་པོ་རྣམས
256b4 ཀྱི་གཏིང་ངམ་ཚད་གཟུང་བར་ནུས་ཀྱི། ཉན་ཐོས་དང་། རང་སངས་རྒྱས་དང་། ལྷ་དང་བཅས་པའི་འཇིག་རྟེན་གྱིས་སྐྱེས་བུ་དམ་པ་བློ་གྲོས་མཆོག་རྒྱ་མཚོ་ལྟ་བུ་དང་ལྡན་པ་དེ་དག་གི་གཏིང་ངན
256b5 ཚད་གཟུང་བར་ནི་མི་ནུས་སོ། ། དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ།། ཇི་ལྟར་ཆོག་མི་ཤེས་པར་ཆུ་ཆེན་གཏེར།། འབབ་ཆུ་ཐམས་ཅད་ཀུན
256b6 གྱི་ཆུ་ཚོལ་བ། ། དེ་བཞིན་དེ་རྣམས་འདི་ལ་ཆོས་ཚོལ་ཀྱང་།། རྟག་པར་ཆོས་ཀྱིས་ཆོག་པར་འགྱུར་བ་མེད།། ཇི་ལྟར་ཇི་སྙེད་ཆུ་མང་རབ་བསྡུས་ཀྱང་།། འདི་ལ་རྒྱ་མཚོ་འགྲིབས་ཤིང
256b7 གང་གྱུར་མེད། ། དམ་པའི་ཆོས་ཐོས་ནས་ཀྱང་ཆོས་ཀྱི་དབྱིངས།། ཤིན་ཏུ་འཕེལ་ཞིང་འགྲིབ་པར་མཐོང་བ་མེད།། ཇི་ལྟར་དྲི་མེད་རྒྱ་མཚོ་ཆུ་སྡུད་ཀྱང་།། རྙོག་པ་ཅན་གྱི་འབབ་ཆུ་དེར
iiif viewer powered by OpenSeadragon
