| e-texts navigator |
| Wylie |
255a1 དུ་སྐྱེས་བུ་དམ་པ་དེ་དག་ཀྱང་ཐམས་ཅད་མཁྱེན་པ་ཉིད་ལ་གཞོལ། ཐམས་ཅད་མཁྱེན་པ་ཉིད་དུ་འབབ། ཐམས་ཅད་མཁྱེན་པ་ཉིད་དུ་བབ་པའོ།། འོད་སྲུངས་འདི
255a2 ལྟ་སྟེ། དཔེར་ན་རྒྱ་མཚོ་ཆེན་པོ་ནི་ཤི་བའི་རོ་དང་ལྷན་ཅིག་མི་གནས་སོ།། འོད་སྲུངས་དེ་བཞིན་དུ་སྐྱེས་བུ་དམ་པ་དེ་དག་ཀྱང་ཉན་ཐོས་དང་རང་སངས་རྒྱས་ཀྱི་སེམས་དང་ལྷན་ཅིག་ཏུ་མི
255a3 གནས་སོ། ། སེར་སྣ་དང་། ངང་ཚུལ་ངན་པའི་སེམས་དང་། གནོད་སེམས་དང་། ལེ་ལོའི་སེམས་དང་། བརྗེད་ངས་པ་དང་། འཆལ་པའི་ཤེས་རབ་ཀྱི་སེམས་དང་ལྷན་ཅིག
255a4 མི་གནས་སོ། ། བདག་དང་། སེམས་ཅན་དང་། སྲོག་དང་། གང་ཟག་དང་། སྐྱེས་བུར་ལྟ་བ་དང་ལྷན་ཅིག་མི་གནས་སོ།། འོད་སྲུངས་འདི་ལྟ་སྟེ། དཔེར་ན་བསྐལ་པས་བསྲེགས
255a5 པར་གྱུར་པའི་ཚེ། ཀླུང་དང་། ཆུ་བྲན་དང་། ཆུ་མིག་དང་། མཚེའུ་དང་། རྫིང་བུ་དང་། མཚོ་ཐམས་ཅད་སྔར་སྐམ་པར་འགྱུར་ཏེ། ཕྱིས་རྒྱ་མཚོ་ཆེན་པོ་ཟད་ཅིང་སྐམ་པར་འགྱུར་རོ།། འོད་སྲུང
255a6 དེ་བཞིན་དུ་དམ་པའི་ཆོས་ནུབ་པར་འགྱུར་བའི་ཚེ་ཉི་ཚེ་བར་སྤྱོད་པ་ལ་ཞུགས་པའི་སེམས་ཅན་ཐམས་ཅད་ཀྱི་དམ་པའི་ཆོས་སྔར་ནུབ་པར་འགྱུར་ཏེ། ཕྱིས་སྐྱེས་བུ་དམ་པ་བློ་གྲོས་རྒྱ་མཚོ་ལྟ་བུ་སངས་རྒྱས
255a7 ཀྱི་ཐེག་པ་ཡང་དག་པར་འཛིན་པ་དེ་དག་གི་ལག་ནས་དམ་པའི་ཆོས་ནུབ་པར་འགྱུར་ཏེ། ཡང་འོད་སྲུངས་སྐྱེས་བུ་དམ་པ་དེ་དག་ནི་སྲོག་ཀྱང་ཡོངས་སུ་གཏོང་བར་བྱེད་ཀྱི། དམ་པའི་ཆོས་ཡོངས་སུ
iiif viewer powered by OpenSeadragon
