| e-texts navigator |
| Wylie |
254a1 བེབས་པར་འགྱུར་བའི་ཆོས་ཀྱི་སེར་སྣ་མེད་མོད་ཀྱི་འོན་ཀྱང་དེ་དག་ཆོས་འདི་ལྟ་བུ་དག་གི་སྣོད་དུ་མ་གྱུར་ཏེ། དེ་ལྟ་བས་ན་སྐྱེས་བུ་དམ་པ་དེ་དག་རྒྱ་མཚོ་ལྟ་བུ་ཐ
254a2 མཆོག་དང་ལྡན་པ་དེ་དག་ལ་ཆོས་ཀྱི་ཆར་པ་ཆེན་པོ་འབེབས་སོ། ། འོད་སྲུངས་འདི་ལྟ་སྟེ། དཔེར་ན་ཆར་པའི་རྒྱུན་ཤིང་རྟའི་སྲོག་ཤིང་ཙམ་བབ་པ་དེ་དག་གིས་ཀྱང་རྒྱ་མཚོ་ཆེན་པོ་བྲི་བའང
254a3 མེད། གང་བའང་མེད་དོ།། འོད་སྲུངས་དེ་བཞིན་དུ་སྐྱེས་བུ་དམ་པ་དེ་དག་བསྐལ་པ་བརྒྱར་ཆོས་ཉན་ཏམ་འཆད་ཀྱང་ཆོས་གང་ཡང་བྲི་བ་འམ་གང་བར་མི་འགྱུར་རོ།། འདི་ལྟ་སྟེ།
254a4 དཔེར་ན་རྒྱ་མཚོ་ཆེན་པོ་དེར་གླིང་ཆེན་པོ་བཞིའི་ཀླུང་སྣ་ཚོགས་ནས་གང་ཆུ་བབ་པ་དེ་དག་ཐམས་ཅད་འདི་ལྟ་སྟེ། ལན་ཚྭའི་རོར་རོ་གཅིག་པར་འགྱུར་རོ།། འོད་སྲུངས་དེ་བཞིན་དུ་སྐྱེས་བུ་དམ་པ་དེ
254a5 དག་རྣམ་གྲངས་སྣ་ཚོགས་སུ་ཆོས་བསྟན་པ་བཤད་པ་དག་ཐོས་མ་ཐག་ཏུ་འདི་ལྟ་སྟེ། སྟོང་པ་ཉིད་ཀྱི་རོར་རོ་གཅིག་ཏུ་མོས་པར་འགྱུར་རོ།། འདི་ལྟ་སྟེ། དཔེར་ན་རྒྱ་མཚོ་ཆེན་པོ་ནི་དག་པ
254a6 གཙང་བ། དྲི་མ་མེད་པ། གསལ་བ། རྙོག་པ་མེད་པ་ཡིན་ཏེ། ཆུ་རྙོག་པ་ཅན་མི་འཛིན་ཏོ།། འོད་སྲུངས་དེ་བཞིན་དུ་སྐྱེས་བུ་དམ་པ་དེ་དག་ཀྱང་དག་པ། གཙང་བ། དྲི་མ་མེད
254a7 པ། གསལ་བ་སྟེ། གནོད་སེམས་དང་། ཞེ་སྡང་དང་། ཁྲོ་བ་དང་། ཁོན་དུ་འཛིན་པའི་ཐ་བ་ཐམས་ཅད་མི་འཛིན་ཏོ།། འདི་ལྟ་སྟེ། དཔེར་ན་རྒྱ་མཚོ་ཆེན་པོ་ནི་ཟབ་ཅིང་གཏིང་དཔག་དཀའ་བའོ།།
iiif viewer powered by OpenSeadragon
