| e-texts navigator |
| Wylie |
252b1 ལྡན་པའི་བརྩོན་འགྲུས་རྩོམ་པ་དེ་ལྟ་བུ་འདི་ནི་ལུང་བསྟན་པ་མྱུར་དུ་ཐོབ་པར་བྱེད་དོ། ། ཚངས་པ་བྱང་ཆུབ་སེམས་དཔའ་བཟོད་པ་དེ་ལྟ་བུ་དང་ལྡན་པ་ནི་ཆོས་ཐམས་ཅད་གཏོང་བ་མེད་པའི་སྦྱིན་པ་ལ
252b2 མོས་སོ། ། ཆོས་ཐམས་ཅད་བསྲུང་བ་མེད་པའི་ཚུལ་ཁྲིམས་ལ་མོས་སོ།། ཆོས་ཐམས་ཅད་རློམ་སེམས་མེད་པའི་བཟོད་པ་ལ་མོས་སོ།། ཆོས་ཐམས་ཅད་རྩོམ་པ་མེད་པའི་བརྩོན་འགྲུས་ལ་མོས
252b3 སོ། ། ཆོས་ཐམས་ཅད་མཉམ་པ་ཉིད་ཀྱི་ཏིང་ངེ་འཛིན་ལ་མོས་སོ།། ཆོས་ཐམས་ཅད་རྣམ་པར་མི་རྟོག་པའོ་ཞེས་ཤེས་རབ་ལ་མོས་སོ།། དེ་དེ་ལྟར་མོས་པས་ལྷག་པར་མི་བྱེད། བྲི་བར་མི
252b4 བྱེད། བྱེད་པ་མ་ཡིན། རྣམ་པར་བྱེད་པ་མ་ཡིན་ནོ།། སྦྱིན་པའང་སྦྱིན་པར་བྱེད་ལ། དེའང་རྣམ་པར་སྨིན་པ་ལ་མི་རེ་བས་སོ།། ཚུལ་ཁྲིམས་ཀྱང་སྲུང་ལ། དེའང་སྒྲོ་བཏགས་པ་མང
252b5 པས་སོ། ། བཟོད་པའང་སྒོམ་ལ། དེའང་ཕྱི་ནང་སྟོང་པ་ཉིད་ཀྱིས་སོ།། བརྩོན་འགྲུས་ཀྱང་རྩོམ་ལ། དེའང་ཡོངས་སུ་གྲུབ་པ་མེད་པས་སོ།། བསམ་གཏན་ལའང་མཉམ་པར་གཞོག་ལ།
252b6 དེའང་གནས་པ་མེད་པས་སོ།། ཤེས་རབ་ཀྱང་སྒོམ་ལ། དེའང་མཚན་མ་མེད་པས་སོ།། ཚངས་པ་བྱང་ཆུབ་སེམས་དཔའ་བཟོད་པ་དེ་ལྟ་བུ་དང་ལྡན་པ་ནི་བྱ་བ་ཐམས་ཅད་ཀྱང་སྟོན་ལ། བྱ་བས
252b7 ཀྱང་མི་གོས་སོ། ། དེ་མི་གོས་པས་ཆོས་ཐམས་ཅད་ལ་མཉམ་པ་ཉིད་ཐོབ་ཅིང་རྙེད་པས་ཀྱང་མི་འཕྲོགས། རྙེད་པ་མེད་པས་ཀྱང་མ་ཡིན། སྙན་པས་ཀྱང་མ་ཡིན། མི་སྙན་པས་ཀྱང་མ་ཡིན།།
iiif viewer powered by OpenSeadragon
