| e-texts navigator |
| Wylie |
252a1 ཁྱོད་མ་འོངས་པའི་དུས་ན་ཤཱཀྱ་ཐུབ་པ་ཞེས་བྱ་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འགྱུར་རོ་ཞེས་ལུང་བསྟན་ཏོ། ། ཚངས་པ་དེ་ལྟ
252a2 བས་ན་བྱང་ཆུབ་སེམས་དཔའ་ལུང་བསྟན་པའི་ས་མྱུར་དུ་ཐོབ་པར་འདོད་པས་བརྩོན་འགྲུས་རྩོམ་པ་འདི་ལྟ་བུ་འདི་ལྟ་སྟེ། ཆོས་ཐམས་ཅད་ལ་རྩོམ་པ་མེད་པའི་བརྩོན་འགྲུས་འདི་ལ་བརྩོན་པར་བྱའོ།།
252a3 གསོལ་བ། བཅོམ་ལྡན་འདས་རྩོམ་པ་མ་མཆིས་པའི་བརྩོན་འགྲུས་དེ་གང་ལགས། བཀའ་སྩལ་པ། ཚངས་པ་གང་དུས་གསུམ་མཉམ་པ་ཉིད་དང་ལྡན་པའི་བརྩོན་འགྲུས་རྩོམ་པའོ།།
252a4 གསོལ་པ། བཅོམ་ལྡན་འདས་དུས་གསུམ་མཉམ་པ་ཉིད་དང་ལྡན་པའི་བརྩོན་འགྲུས་རྩོམ་པ་གང་ལགས། བཀའ་སྩལ་པ། འདི་ལྟ་སྟེ། འདས་པའི་སེམས་ནི་ཟད། མ་འོངས་པ་ནི
252a5 མ་ཕྱིན། ད་ལྟར་བྱུང་བ་ལ་ནི་གནས་པ་མེད་ཅིང་མིང་མི་དམིགས་ཏེ། གང་ཟད་པ་དེ་ནི་དམིགས་སུ་མེད་དོ།། གང་མ་ཕྱིན་པ་དེ་ནི་མི་སྐྱེ་བའི་མཚན་ཉིད་དོ།། དེ་བཞིན་དུ་གང་ད་ལྟར
252a6 བྱུང་བ་དེའང་ཆོས་ཉིད་ཀྱིས་མི་གནས་སོ། ། ཆོས་ཉིད་གང་ཡིན་པ་དེའང་མ་སྐྱེས་པའོ།། གང་མ་སྐྱེས་པ་དེ་ནི་འདས་པའང་མ་ཡིན། མ་འོངས་པའང་མ་ཡིན། ད་ལྟར་བྱུང་བའང་མ་ཡིན
252a7 ནོ། ། གང་འདས་པའང་མ་ཡིན། མ་འོངས་པའང་མ་ཡིན། ད་ལྟར་བྱུང་བའང་མ་ཡིན་པ་དེ་ནི་རང་བཞིན་ནོ།། རང་བཞིན་གང་ཡིན་པ་དེ་ནི་མ་སྐྱེས་པ་སྟེ། ཚངས་པ་དུས་གསུམ་མཉམ་པ་ཉིད་དང
iiif viewer powered by OpenSeadragon
