| e-texts navigator |
| Wylie |
251b1 གང་ཆོས་ཐམས་ཅད་ལ་བསལ་བ་དང་བཞག་པ་མེད་པ་འདི་ནི་བརྩོན་འགྲུས་རྩོམ་པའོ།། ཚངས་པ་གང་ལུས་དང་། ངག་དང་། ཡིད་ཀྱིས་རྩོམ་པ་མེད་པ་འདི་ནི་བརྩོན་འགྲུས་རྩོམ་པའོ།། དེ་ནས
251b2 བཅོམ་ལྡན་འདས་ཀྱིས། ལྷའི་བུ་ཕྱིར་མི་ལྡོག་པ་ལ་ལེགས་སོ་ཞེས་བྱ་བ་བྱིན་ནས། ཚངས་པ་ཁྱད་པར་སེམས་ལ་བཀའ་སྩལ་པ། ཚངས་པ་ལྷའི་བུ་འདི་ཇི་སྐད་སྟོན་པ་དེ་དེ་བཞིན་ནོ།། འདི་ནི་དེའི
251b3 བརྩོན་འགྲུས་རྩོམ་པའི་མཆོག་སྟེ། གང་ལ་ལུས་ཀྱི་རྩོམ་པའང་མེད། ངག་གི་རྩོམ་པའང་མེད། ཡིད་ཀྱི་རྩོམ་པའང་མེད་པ་འདི་ནི་བརྩོན་འགྲུས་རྩོམ་པའི་མཆོག་གོ།། ཚངས་པ་ངས་མངོན
251b4 པར་ཤེས་པ་འདས་པའི་དུས་ན་སྦྱངས་པའི་ཡོན་ཏན་ཡོ་བྱད་བསྙུངས་པ་ཐམས་ཅད་ཡང་དག་པར་བླངས་པའི་བརྩོན་འགྲུས་བརྩམས་ཀྱང་། དེ་བཞིན་གཤེགས་པ་དེ་དག་གིས་བླ་ན་མེད་པ་ཡང་དག
251b5 པར་རྫོགས་པའི་བྱང་ཆུབ་ཏུ་ལུང་མ་བསྟན་ཏོ། ། དེ་བཞིན་དུ་བླ་མ་རྣམས་ལ་ལྡང་བ་དང་། རིམ་གྲོ་བྱ་བ་དང་། དགོན་པར་གནས་པ་དང་། མང་དུ་ཐོས་པ་དང་། སེམས་ཅན་རྣམས
251b6 ཀྱི་བྱ་བ་ཅི་ཡོད་ཅེས་བྱ་བ་ལ་ཀུན་ཏུ་འགྲོ་བའི་བརྩོན་འགྲུས་བརྩམས་ཀྱང་། ང་ལུང་མ་བསྟན་ཏོ།། དེ་ཅིའི་ཕྱིར་ཞེ་ན། དེ་ནི་འདི་ལྟར་ལུས་དང་། ངག་དང་། སེམས་ཀྱི་རྩོམ་པ་ལ
251b7 རབ་ཏུ་གནས་པའི་ཕྱིར་རོ། ། ཚངས་པ་ནམ་ང་ལྷའི་བུ་འདིས་ཇི་སྐད་དུ་བསྟན་པའི་བརྩོན་འགྲུས་རྩོམ་པ་དེ་ལྟ་བུ་དང་ལྡན་པར་གྱུར་པ་དེའི་འོག་ཏུ་ང་དེ་བཞིན་གཤེགས་པ་མར་མེ་མཛད་ཀྱིས་བྲམ་ཟེའི་ཁྱེའུ
iiif viewer powered by OpenSeadragon
