| e-texts navigator |
| Wylie |
251a1 ཞེས་བྱ་བ་ནི་ཆོས་ཐམས་ཅད་ལ་རབ་ཏུ་གནས་པ་མེད་པའི་ཚིག་བླ་དགས་སོ། ། དེ་ཅིའི་ཕྱིར་ཞེ་ན། རབ་ཏུ་གནས་པ་མེད་པ་དང་ལེན་པ་མེད་པ་དེ་ནི་ལམ་ལ་རབ་ཏུ་གནས
251a2 པའོ། ། སྨྲས་པ། ལྷའི་བུ་ཇི་ལྟར་བསྒོམས་ན་ལམ་བསྒོམས་པ་ཡིན། སྨྲས་པ། ཚངས་པ་ཅི་ནས་ཀྱང་དངོས་པོ་དང་དངོས་པོ་མེད་པར་མི་ལྟུང་བ་དང་། ཆོས་གང་ཡང་དངོས་པོར་ཡང་མི་བྱེད།
251a3 དངོས་པོ་མེད་པར་ཡང་མི་བྱེད་པར་ཡང་མི་བྱེད་པར་བསྒོམ་པ་སྟེ། དེ་ལྟར་སྒོམ་ན་ལམ་སྒོམ་པ་ལ་བརྩོན་པ་ཡིན་ནོ།། སྨྲས་པ། ལྷའི་བུ་གང་གིས་ལམ་བསྒོམ་པར་བྱའོ།། སྨྲས་པ།
251a4 ཚངས་པ་མཐོང་བས་མ་ཡིན། ཐོས་པས་མ་ཡིན། དྲན་པས་མ་ཡིན། རྣམ་པར་རིག་པས་མ་ཡིན། ཐོབ་པས་མ་ཡིན། མངོན་དུ་བྱས་པས་མ་ཡིན་ཏེ། གང་ཆོས་ཐམས་ཅད་ལ་མི་སྒོམ
251a5 པ་འདི་ནི་ལམ་སྒོམ་པའོ། ། སྨྲས་པ། ལྷའི་བུ་ཇི་ལྟར་ན་བྱང་ཆུབ་སེམས་དཔའ་བརྩོན་འགྲུས་ཀྱི་གོ་ཆ་སྲ་བ་བགོས་པ་ཞེས་བྱ། སྨྲས་པ། ཚངས་པ་བྱང་ཆུབ་སེམས་དཔའ་གང་ཆོས་གང་ལའང
251a6 གཅིག་པ་འམ་ཐ་དད་པར་ཡང་དག་པར་རྗེས་སུ་མི་མཐོང་བ་འདི་ནི་བྱང་ཆུབ་སེམས་དཔའ་བརྩོན་འགྲུས་ཀྱི་གོ་ཆ་སྲ་བ་བགོས་པ་ཞེས་བྱའོ། ། གང་ཆོས་ཀྱི་དབྱིངས་མ་འདྲེས་པའི་ཕྱིར་ཆོས་གང་ལ
251a7 འང་བྱེད་པར་མི་བྱེད། སྦྱོར་བར་མི་བྱེད། དེ་ཆོས་ཀྱི་དབྱིངས་མ་གཏོགས་པར་ཀུན་ནས་ཉོན་མོངས་པ་དང་རྣམ་པར་བྱང་བར་མི་མཐོང་བ་འདི་ནི། བྱང་ཆུབ་སེམས་དཔའི་བརྩོན་འགྲུས་རྩོམ་པའི་མཆོག་གོ།།
iiif viewer powered by OpenSeadragon
