| e-texts navigator |
| Wylie |
250b1 ཉིད་དང་། ཆོས་ཀྱི་དབྱིངས་ལུང་མ་བསྟན་པ་བཞིན་དུ། བྱང་ཆུབ་སེམས་དཔའ་ཐམས་ཅད་ལ་ལུང་བསྟན་པའང་དེ་ལྟར་བལྟའོ།། སྨྲས་པ། ལྷའི་བུ་དེ་ལྟར་ཁྱོད་དེ་བཞིན་གཤེགས་པས།
250b2 ལུང་བསྟན་པས་ན། ཁྱོད་སྔོན་གྱི་ཡང་དག་པར་རྫོགས་པའི་སངས་རྒྱས་རྣམས་ཀྱི་དྲུང་དུ་ཚངས་པར་སྤྱད་པ་ལ་གནས་པ་ནི་དོན་མེད་པ་མ་ཡིན་ནོ།། སྦས་པ། ཚངས་པ་གང་གནས་པ
250b3 མེད་པ་དེ་ནི་ཚངས་པར་སྤྱོད་པ་ལ་གནས་པའོ། ། སྨྲས་པ། ལྷའི་བུ་ཇི་ལྟར་གང་ལ་གནས་པ་མེད་པ་དེ་ཚངས་པར་སྤྱད་པ་ལ་གནས་པ་ཡིན། སྨྲས་པ། ཚངས་པ་གང་ཁམས་གསུམ
250b4 ལ་མི་གནས་པ་དེ་ནི། ཚངས་པར་སྤྱད་པ་ལ་གནས་པའོ།། ཚངས་པ་གང་ཡང་ཁམས་གསུམ་ལ་གནས་པ་དེ་ནི་ཚངས་པར་སྤྱད་པ་ལ་གནས་པ་མ་ཡིན་ནོ།། གཞན་ཡང་ཚངས་པ་གང་བདག
250b5 ལ་མི་གནས། སེམས་ཅན་དང་། སྲོག་དང་། གང་ཟག་ལ་མི་གནས་པ་དེ་ནི་ཚངས་པར་སྤྱད་པ་ལ་གནས་པ་ཡིན་ཏེ། ཚངས་པ་མདོར་ན་གང་ཆོས་ཐམས་ཅད་ལ་མི་གནས་པ་དེ་ནི་ཚངས
250b6 བར་སྤྱོད་པ་ལ་གནས་པའོ། ། སྨྲས་པ། སའི་བུ་ཚངས་པར་སྤྱད་པ་ལ་གནས་པ་ཞེས་བྱ་བ་དེ་གང་གི་ཚིག་བླ་དགས་ཡིན། སྦས་པ། ཚངས་པར་སྤྱོད་པ་ལ་གནས་པ་ཞེས་བྱ་བ་ནི་ཚངས
250b7 གཉིས་སུ་མེད་པའི་ལམ་ལ་རབ་ཏུ་གནས་པའི་ཚིག་བླ་དགས་སོ། ། སྨྲས་པ། ལྷའི་བུ་ལམ་ལ་རབ་ཏུ་གནས་པའང་ཅི་ལ་རབ་ཏུ་གནས་པ་ཡིན། སྨྲས་པ། ཚངས་པ་ལམ་ལ་རབ་ཏུ་གནས་པ
iiif viewer powered by OpenSeadragon
