| e-texts navigator |
| Wylie |
250a1 སུམ་ཅུ་རྩ་གཉིས་ན། འཇིག་རྟེན་གྱི་ཁམས་ལེགས་པར་སྤྲུལ་པ་ཞེས་བྱ་བར་བསྐལ་པ་ཚངས་པས་བསྟོད་པ་ལ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ
250a2 མངོན་པར་རྫོགས་པར་འཚང་རྒྱ་བར་འགྱུར་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག
250a3 རྟེན་མཁྱེན་པ། བླ་ན་མེད་པ། སྐྱེས་བུ་འདུལ་བའི་ཁ་ལོ་སྒྱུར་བ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་རི་རབ་སྒྲོན་མའི་རྒྱལ་པོ་ཞེས་བྱ་བར་འཇིག་རྟེན་དུ་འབྱུང་བར་འགྱུར་ཏེ།
250a4 དེའི་སངས་རྒྱས་ཀྱི་ཞིང་དེའང་བཻ་ཌཱུཪྻ་དང་། འཛམ་བུ་ཆུ་བོའོ་གསེར་དང་། རིན་པོ་ཆེ་གཉིས་ཀྱི་གཞིར་འགྱུར་རོ།། དེའི་བྱང་ཆུབ་སེམས་དཔའི་དགེ་འདུན་འབའ་ཞིག་འབྱུང་སྟེ། བདུད་དང་ཕྱིར་རྒོལ
250a5 པབ་བཅོམ་ཞིང་དབང་པོ་ཤ་སྟག་གོ། ། སངས་རྒྱས་ཀྱི་ཞིང་དེ་ན་བཟའ་བ་དང་བཏུང་བའང་བསམ་པ་ཙམ་གྱིས་འབྱོར་ཅིང་། དགའ་ལྡན་གྱི་ལོངས་སྤྱོད་དང་འདྲ་བར་འགྱུར་རོ།། དེ་བཞིན་གཤེགས་པ་དེ་ཚེ
250a6 དཔག་ཏུ་མེད་ཅིང་ལྟུང་བ་མེད་པའི་ཆོས་སྟོན་པར་འགྱུར་རོ། ། ཁྱད་པར་སེམས་ཀྱིས་སྨྲས་པ། ལྷའི་བུ་ཁྱོད་དེ་བཞིན་གཤེགས་པས་ལུང་བསྟན་ཏོ།། སྨྲས་པ། ཚངས་པ་བདག་ནི་དེ
250a7 བཞིན་ཉིད་དང་། ཆོས་ཀྱི་དབྱིངས་ཇི་ལྟ་བ་བཞིན་དུ་ལུང་བསྟན་ཏོ།། སྨྲས་པ། ལྷའི་བུ་དེ་བཞིན་ཉིད་དང་། ཆོས་ཀྱི་དབྱིངས་ནི་ལུང་མི་བསྟན་ཏོ།། སྨྲས་པ། ཇི་ལྟར་དེ་བཞིན
iiif viewer powered by OpenSeadragon
