| e-texts navigator |
| Wylie |
249b1 མཛད་འདི་ཡི་རྒྱུ་དང་རྣར་སྙན་གསུང་ནི་རབ་ཏུ་བརྗོད་པར་གསོལ། ། འཛིན་དང་རྟོག་དང་རྣམ་རྟོག་ཀུན་དང་བྲལ་བའི་སྟོང་པ་ཉིད་ལ་མོས།། བདག་པོ་ཤེས་བྱ་ཀུན་ལ་རྟོག་བྲལ་རྟག་ཏུ་མཚན་མ
249b2 མེད་ལ་དགྱེས། ། ཁྱོད་ནི་སྲིད་པ་གསུམ་འདིར་གང་ལའང་མི་སྨིན་བསམ་གཏན་ཏིང་འཛིན་དགྱེས།། གང་གི་སླད་དུ་འཛུམ་པ་བསྟན་མཛད་འདྲེན་པ་འདི་ནི་ལུང་བསྟན་གསོལ།། སྐད་ལ་མི
249b3 ཆགས་སྒྲ་དང་དབྱངས་དང་ཡི་གེ་དག་ལའང་དེ་བཞིན་ཏེ། ། འཇིག་རྟེན་དུ་ཡང་ཆོས་སྟོན་བློ་གཙང་བདག་དང་ཆོས་ལའང་གནས་མི་མཛད།། འདུས་པ་སོ་སོས་བདེ་གཤེགས་བདག་ལ་ཆོས་སྟོན
249b4 སྙམ་དུ་འཛིན། ། ཡེ་ཤེས་རྫུ་འཕྲུལ་དབང་པོ་སྟོབས་མཆོག་རྒྱས་པ་ཤེས་རབ་མཚུངས་མེད་གསུངས།། ཁྱོད་ནི་སྡུག་བསྔལ་ཀུན་སལ་ན་རྒ་འཆི་འཇོམས་སྨན་པའི་མཆོག་ལགས་ཏེ།། ཁྱོད་ནི
249b5 དཔའ་བོ་བདུད་ཀྱི་སྟོབས་འཇོམས་མཐུ་བོ་ཆེ་ཡི་མཐུ་དང་ལྡན། ། ཁྱོད་ནི་སྐྱོབ་པ་དཔུང་གཉེན་འཇིག་རྟེན་མགོན་སྐྱབས་སྒྲོན་མ་སྣང་མཛད་པ།། ལྷ་མིན་ལྷ་དང་ཀླུ་མཆོད་འཛུམ་པ་མཛད་པའི་རྒྱུ
249b6 གང་འདིར་བསྟན་གསོལ། ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚངས་པ་ཁྱད་པར་སེམས་ལ་འདི་སྐད་ཅེས་བཀའ་སྩལ་ཏོ།། ཚངས་པ་ཁྱོད་ཀྱིས་ཕྱིར་མི་ལྡོག་པའི
249b7 ལྷའི་བུ་འདི་མཐོང་ངམ། གསོལ་པ། བཅོམ་ལྡན་འདས་མཐོང་ངོ་།། བཅོམ་ལྡན་འདས་ཀྱིས་བཀའ་སྩལ་པ་ཚངས་པ་ཕྱིར་མི་ལྡོག་པའི་ལྷའི་བུ་འདི་བསྐལ་པ་བརྒྱ་སྟོང་ཕྲག
iiif viewer powered by OpenSeadragon
