| e-texts navigator |
| Wylie |
248a1 དང་། མི་ཐོབ་པར་བསྒོམ་པའི་ཕྱིར་ཆོས་སྟོན་པ་དེ་དག་གི་སེང་གེའི་སྒྲ་ཡིན་ཏེ། གང་ཀུན་ནས་ཉོན་མོངས་པ་དང་། རྣམ་པར་བྱང་བ་དང་། ཀུན་ཏུ་སྦྱོར་བ་དང་བྲལ་བར་བྱ་བའི།
248a2 ཕྱིར་ཆོས་སྟོན་པ་དེ་དག་ལ་སེང་གེའི་སྒྲ་མེད་དོ།། ཀོའུ་ཤི་ཀ་སེང་གེའི་སྡེ་ཞེས་བྱ་བ་ནི་འདི་ལྟ་སྟེ། མགོ་གཅིག་ཏུ་བསྟན་པ་ཆོས་ཐམས་ཅད་གང་ཟག་མེད་པ། བདག་མེད་པ་ཡིན་ནོ།།
248a3 ། ཀོའུ་ཤི་ཀ་སེང་གེའི་སྒྲ་སང་གེའི་སྒྲ་ཞེས་བྱ་བ་ནི་འདི་ལྟ་སྟེ། མགོ་གཅིག་ཏུ་ཆོས་ཐམས་ཅད་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་ཡོངས་སུ་སྟོན་པ་ནི་སེང་གེའི་སྒྲའོ།།
248a4 དམ་པའི་ཆོས་བསྲུངས་པའི་ཕྱིར་ཚིག་སྨྲ་བ་ནི་སེང་གེའི་སྒྲའོ།། འདི་ལྟ་སྟེ། སེམས་ཅན་ཐམས་ཅད་རབ་ཏུ་ཐར་པར་བྱ་བའི་ཕྱིར་སངས་རྒྱས་སུ་གྱུར་ཅིག་ཅེས་བྱང་ཆུབ་ཏུ་སེམས་བསྐྱེད་པའི
248a5 ཚིག་སྨྲ་བ་ནི་སེང་གེའི་སྒྲའོ། ། ལོངས་སྤྱོད་དུ་རུང་བ་ལ་ཆོག་ཤེས་པར་སྨྲ་བ་ནི་སེང་གེའི་སྒྲའོ།། ཀོའུ་ཤི་ཀ་སེང་གེའི་སྒྲ་སེང་གེའི་སྒྲ་ཞེས་བྱ་བ་ནི་འདི་ལྟ་སྟེ། དགོན་པར་གནས་པ་དང
248a6 ཡང་དག་པར་ལེན་པ་དང་། གཏོང་བ་སྔོན་དུ་འགྲོ་བ་ནི་སེང་གེའི་སྒྲའོ།། ཚུལ་ཁྲིམས་ཡང་དགུ་པར་བླངས་པ་མི་འདོར་པ་ནི་སེང་གེའི་སྒྲའོ།། མཛའ་བ་དང་མི་མཛའ་བ་ལ་སེམས
248a7 མཉམ་པ་ནི་སེང་གེའི་སྒྲའོ། ། བརྩོན་པ་མི་འདོར་བ་ནི་སེང་གེའི་སྒྲའོ།། ཉོན་མོངས་པ་སྤོང་བ་ནི་སེང་གེའི་སྒྲའོ།། ཤེས་རབ་ཀྱིས་ཤིན་ཏུ་བརྟགས་པ་ནི་སེང་གེའི་སྒྲའོ།། སེང་ནམ
iiif viewer powered by OpenSeadragon
