| e-texts navigator |
| Wylie |
246b1 པ་མེད་དོ།། སྤྲས་པ། ཚངས་པ་བདག་སྔོན་མཐོང་ངོ་ཞེས་འམ། སྔོན་མ་མཐོང་ངོ་ཞེས་བདག་ཀྱང་མི་རྟོག། རྣམ་པར་མི་རྟོག་གོ། སྤྲས་པ། ལྷའི་བུ་སྔོན་མ་མཐོང་བ་མཐོང་བ་སུ
246b2 སྨྲས་པ། བྱིས་པ་སོ་སོའི་སྐྱེ་བོ་ཐམས་ཅད་ཀྱིས་ནི་འཕགས་པའི་ངེས་པར་འཇུག་པ་སྔོན་མ་མཐོང་ངོ་།། ཚངས་པ་ནམ་ཡང་དག་པར་ངེས་པར་ཞུགས་པ་དེ་ན། སྔོན་མ་མཐོང་བ་མཐོང་ངོ་།།
246b3 ངེས་པ་དེ་ནི་མིག་གི་རྣམ་པར་ཤེས་པས་ཤེས་པ་མ་ཡིན། རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱི་རྣམ་པར་ཤེས་པས་ཤེས་པར་བྱ་བ་མ་ཡིན་ཏེ། དེ་བཞིན་ཉིད་ཇི
246b4 ལྟ་བ་དེ་བཞིན་དུ་བལྟ་བར་བྱའོ། ། མིག་གི་དེ་བཞིན་ཉིད་ཇི་ལྟ་བ་དངརྣ་བའི་དེ་བཞིན་ཉིད་ཇི་ལྟ་བ་དང་། སྣའི་དེ་བཞིན་ཉིད་ཇི་ལྟ་བ་དང་། ལྕེའི་དེ་བཞིན་ཉིད་ཇི་ལྟ་བ་དང་། ལུས
246b5 ཀྱི་དེ་བཞིན་ཉིད་ཇི་ལྟ་བ་དང་། ཡིད་ཀྱི་དེ་བཞིན་ཉིད་ཇི་ལྟ་བ་དེ་བཞིན་དུ་ལྟ་སྟེ། གང་དེ་ལྟར་མཐོང་བ་དེ་དག་ནི་ཡང་དག་པར་མཐོང་བའོ།། དེ་ནས་བཅོམ་ལྡན་འདས་ལ། ལྷའི་དབང་པོ་བརྒྱ་བྱིན
246b6 གྱིས་འདི་སྐད་ཅེས་གསོལ་ཏོ། ། བཅོམ་ལྡན་འདས་དེད་དཔོན་ནོར་བུ་རིན་པོ་ཆེའི་གླིང་དུ་ཕྱིན་པའི་མིག་སྔར་ནི་ནོར་བུ་རིན་པོ་ཆེ་འབའ་ཞིག་གདའ་འོ།། དེ་བཞིན་དུ་བཅོམ་ལྡན་འདས་སྐྱེས་བུ་དམ་པ
246b7 བསམ་གྱིས་མི་ཁྱབ་པའི་ཆོས་རིན་པོ་ཆེ་དང་ལྡན་པ་རྣམས་ཅི་དང་ཅི་སྤོབས་པ་དེ་དག་གིས་དེ་ཐམས་ཅད་ཆོས་རིན་པོ་ཆེ་ཉིད་དུ་སྤོབས་སོ། ། དེ་ཉིད་ཡང་དག་པའི་མཐའ་ཡོངས་སུ་གསལ་བར་བགྱིད
iiif viewer powered by OpenSeadragon
