| e-texts navigator |
| Wylie |
246a1 འདས་ཤིན་ཏུ་ཡང་དག་པའི་ནན་ཏན་འདི་ལགས་ཏེ། ལོག་པའི་ལམ་དུ་ཞུགས་པ་རྣམས་ནི་ནན་ཏན་གང་ཡང་མ་མཆིས་སོ།། ཡང་དག་པའི་ལམ་ལ་གནས་པ་རྣམས་ལ་ཆོས
246a2 ཀྱི་ནན་ཏན་མ་མཆིས་སོ། ། ཡང་དག་པར་ཞུགས་པ་རྣམས་ལ་ནི་མི་མཉམ་པའི་ཆོས་གང་ཡང་མ་མཆིས་སོ།། དེ་ཅིའི་སླད་དུ་ཞེ་ན། བཅོམ་ལྡན་འདས་ཆོས་ཐམས་ཅད་ནི་མཉམ་པ་ཁྱད་པར་མ
246a3 མཆིས་པའོ། ། དེ་ནས་ཚངས་པ་ཁྱད་པར་སེམས་ཀྱིས། ལྷའི་བུ་དེ་ལ་འདི་སྐད་ཅེས་སྨྲས་སོ།། ལྷའི་བུ་ཁྱོད་ནན་ཏན་འདི་ལ་ཞུགས་སམ། སྨྲས་པ། ཚངས་པ་གལ་ཏེ་བཅོམ་ལྡན་འདས
246a4 ཀྱི་ནན་ཏན་ལ་གཉིས་སུ་བཤད་པར་གྱུར་ན། བདག་ཀྱང་ནན་ཏན་འདི་ལ་ནན་ཏན་དུ་བྱེད་དོ།། ནན་ཏན་འདི་ནི་གཉིས་སུ་མེད་པ་སྟེ། དེ་ལ་གང་ནན་ཏན་བྱེད་པ་དང་། གང་ལ་ནན་ཏན
246a5 བྱེད་པ་དེའང་མེད་དོ། ། གང་ཡང་ནན་ཏན་དུ་བྱེད་པ་དེ་མེད་དེ། འོན་ཀྱང་ཚངས་པ་བདག་ནི་ལྷག་པར་མི་བྱེད་པ་དང་། སྒོ་མི་འདོགས་པའི་ཕྱིར་ནན་ཏན་འདི་ལ་ཞུགས་སོ།། ཆོས་ཉིད
246a6 ཇི་ལྟ་བར་ཆོས་ཀྱི་ནན་ཏན་ཡང་དེ་བཞིན་ཏེ། དེ་ནི་དེ་བཞིན་ཉིད་ལ་དེ་ལྟར་ཞུགས་ན་ཞུགས་པ་ཞེས་བྱའོ།། ཚངས་པས་སྨྲས་པ། ལྷའི་བུ་ཁྱོད་སངས་རྒྱས་ཀྱི་ཞིང་འདི་ནི་སྔོན་ངས་མ་མཐོང
246a7 ངོ་། ། སྨྲས་པ། ཚངས་པ་སངས་རྒྱས་ཀྱི་ཞིང་འདིས་ཀྱང་སྔོན་བདག་མ་མཐོང་ངོ་།། སྨྲས་པ། སངས་རྒྱས་ཀྱི་ཞིང་འདི་ནི་བལྟའོ་ཞེ་འམ། མི་བལྟའོ་ཞེས་རྟོག་པ་འམ། རྣམ་པར་རྟོག།
iiif viewer powered by OpenSeadragon
