| e-texts navigator |
| Wylie |
245a1 པོ་ལ་རབ་ཏུ་གནས་པའོ། ། དེ་དག་ནི་བྱམས་པ་ཆེན་པོ་ལ་ཡང་དག་པར་ཞུགས་པའོ།། དེ་དག་ནི་སེམས་ཅན་ཐམས་ཅད་མི་གཏོང་བའོ།། དེ་དག་ནི་ཐེག་པ་དམན་པ
245a2 ལ་རྒྱབ་ཀྱིས་བལྟས་པའོ། ། དེ་དག་ནི་ཐེག་པ་ཆེན་པོ་ལ་མངོན་དུ་ཕྱོགས་པའོ།། དེ་དག་གིས་ཕྱིན་ཅི་ལོགས་སྤངས་སོ།། དེ་དག་ནི་མཉམ་པ་ཉིད་ལ་ཉེ་བའོ།། དེ་དག་ནི་བྱང་ཆུབ་སེམས་དཔའི
245a3 ངེས་པ་ལ་ཞུགས་པའོ། ། དེ་དག་ནི་བྱང་ཆུབ་ཀྱི་སྙིང་པོ་ལ་གནས་པའོ།། དེ་དག་གིས་བདུད་ཀྱི་སྡེ་རྣམས་བཏུལ་བའོ།། དེ་དག་གིས་ཐམས་ཅད་མཁྱེན་པ་ཉིད་ཁོང་དུ་ཆུད་དོ།། དེ་དག་ནི་ཆོས་ཀྱི
245a4 འཁོར་ལོ་རབ་ཏུ་སྐོར་བར་འགྱུར་རོ། ། དེ་དག་ནི་སངས་རྒྱས་ཀྱི་བྱ་བ་བྱེད་པར་འགྱུར་རོ།། གྲོགས་པོ་དག་གང་ཆོས་འདི་ལ་ནན་ཏན་དུ་བྱེད་པའི་སྐྱེས་བུ་དམ་པ་དེ་དག་གི་བསྔགས་པ་ངས་བསྐལ་པ་འམ
245a5 བསྐལ་པ་ལས་འདས་པར་བཤད་ཀྱང་། ཆོས་འདི་ལ་ནན་ཏན་བྱེད་པའི་སྐྱེས་བུ་དམ་པ་དེ་དག་གི་བསྔགས་པའི་མཐར་མི་ཕྱིན་ཏེ། དེ་བཞིན་གཤེགས་པ་ལྟར་སྤོབས་པ་ཕུན་སུམ་ཚོགས་པར
245a6 འགྱུར་རོ། ། དེ་ནས་འཁོར་དེ་ཉིད་དུ་ལྷའི་བུ་ཕྱིར་མི་ལྡོག་པ་ཞེས་བྱ་བ་འདུས་པར་གྱུར་ཏེ་འདུག་གོ།། དེ་ནས་བཅོམ་ལྡན་འདས་ལ། ལྷའི་བུ་ཕྱིར་མི་ལྡོག་པས་འདི་སྐད་ཅེས་གསོལ་ཏོ།།
245a7 བཅོམ་ལྡན་འདས་ཆོས་ཀྱི་ནན་ཏན་ཆོས་ཀྱི་ནན་ཏན་ཞེས་བགྱི་བ། བཅོམ་ལྡན་འདས་ཇི་ཙམ་གྱིས་ན་ཆོས་ཀྱི་ནན་ཏན་ཞེས་བགྱི། བཅོམ་ལྡན་འདས་ཀྱིས་བཀའ་སྩལ་པ། ལྷའི་བུ་ཆོས
iiif viewer powered by OpenSeadragon
