| e-texts navigator |
| Wylie |
244b1 ང་ཡིར་འཛིན་པ་དང་བྲལ་བའོ།། དེ་དང་དེ་དག་ནི་བརྩོན་འགྲུས་ཆེ་ཞིང་བསྐལ་པ་གྲངས་མེད་པར་ཚོགས་མུ་མེད་པའི་མཐར་གཏུགས་པའོ།། དེ་དང་དེ་དག་ནི་བསམ་གཏན་ཕུན་སུམ་ཚོགས་ཤིང་དྲན་པ
244b2 དང་ལྡན་ཞིང་སེམས་རྩེ་གཅིག་པའོ། ། དེ་དང་དེ་དག་ནི་ཤེས་རབ་ཆེན་པོ་ཆོས་ཐམས་ཅད་ཀྱི་ཚིག་རབ་ཏུ་དབྱེ་བའི་ཡེ་ཤེས་སྟོན་པ་ལ་མཁས་པའོ།། དེ་དང་དེ་དག་ནི་བསོད་ནམས་ཆེན་པོ་སྟེ།
244b3 བསོད་ནམས་བརྒྱ་པའི་མཚན་གྱིས་ལེགས་པར་བརྒྱན་པའོ།། དེ་དང་དེ་དག་ནི་གཟི་བརྗིད་ཆེན་པོ་སྟེ། ཉི་མ་དང་ཟླ་བ་ཟིལ་གྱིས་གནོན་པར་བྱེད་པ་ཐོབ་པའོ།། དེ་དང་དེ་དག་ནི་མཐུ་ཆེན
244b4 པོ་ཐོབ་ཅིང་སྟོབས་བཅུའི་ཤུགས་འཛིན་པའོ། ། དེ་དང་དེ་དག་ནི་སྤྲིན་ཆེན་ལྟར་ཆོས་མངོན་པར་སྒྲོགས་པའོ།། དེ་དང་དེ་དག་ནི་ཆོས་ཀྱི་ཆར་ཆེན་པོ་རབ་ཏུ་འབེབས་པ། ཉོན་མོངས་པ་ཐམས
244b5 ཅད་རབ་ཏུ་ཞི་བར་བྱེད་པའོ། ། དེ་དང་དེ་དག་ནི་གནས་ཏེ། མྱ་ངན་ལས་འདས་པའི་གྲོང་དུ་ཞུགས་པའོ།། དེ་དང་དེ་དག་ནི་འཁོར་བའི་འཇིགས་པས་གཙེས་པ་རྣམས་ཀྱི་མགོན་ནོ།། དེ་དང་དེ
244b6 དག་ནི་སྒྲོན་མ་སྟེ། མུན་པ་མུན་ནག་དང་བྲལ་བའོ།། དེ་དང་དེ་དག་ནི་བདུད་ཀྱིས་སྐྲག་པ་རྣམས་ཀྱི་སྐྱབས་སོ།། དེ་དང་དེ་དག་ནི་སེམས་ཅན་ཐམས་ཅད་ཀྱི་རྟེན་ཏོ།། དེ་དང་དེ་དག་ནི་བྱང་ཆུབ་ཀྱི
244b7 སྙིང་པོ་ལ་དབང་བསྐུར་བའོ། ། དེ་དང་དེ་དག་གིས་ཆོས་ཀྱི་མིག་ཐོབ་བོ།། དེ་དག་གིས་ཆོས་ཀྱི་དེ་བཞིན་ཉིད་མཐོང་ངོ་།། དེ་དག་གིས་ཆོས་ཐམས་ཅད་སྟོང་པར་ཤེས་སོ།། དེ་དག་ནི་སྙིང་རྗེ་ཆེན
iiif viewer powered by OpenSeadragon
