| e-texts navigator |
| Wylie |
244a1 བ་མ་ཡིན་ནོ། ། ཆོས་ཀྱི་རྣམ་གྲངས་འདི་ལ་ལན་ཀླན་པའི་ཆོས་ཀྱི་ནན་ཏན་མ་གཏོགས་པར་གཞན་མེད་དེ། ལོག་པའི་ནན་ཏན་གྱིས་མ་ཡིན་ནོ།། གང་འདི་ལ་ཞུགས་པ་དེ་དག
244a2 གིས་མཁན་པོ་དང་སློབ་དཔོན་ལ་གུས་པར་བྱས་སོ། ། དེ་དག་གིས་ལན་གླན་པ་དག་པར་བྱས་སོ།། དེ་དང་དེ་དག་ནི་བུ་ལོན་མེད་པར་ཡུལ་འཁོར་གྱི་བསོད་སྙོམས་ཟའོ།། དེ་དང་དེ་དག་ནི་དེ་བཞིན
244a3 གཤེགས་པའི་ཚིག་ལ་ནན་ཏན་དུ་བྱེད་པའོ། ། དེ་དང་དེ་དག་ནི་ཆུ་བོ་ལས་རྒལ་བའོ།། དེ་དང་དེ་དག་ནི་དགོན་པ་ལས་ཤིན་ཏུ་རྒལ་བའོ།། དེ་དང་དེ་དག་ནི་གདུགས་དང་། རྒྱལ་མཚན་དང་།
244a4 བ་དན་བསྒྲེང་བའོ།། དེ་དང་དེ་དག་ནི་དཔའ་བོ་གཡུལ་ལས་རྣམ་པར་རྒྱལ་བའོ།། དེ་དང་དེ་དག་ནི་སེང་གེ་ལྟར་འཇིགས་ཤིང་སྐྲག་པ་དང་བྲལ་བའོ།། དེ་དང་དེ་དག་ནི་བལ་གླང་ལྟར་ཅང
244a5 ཤེས་པའོ། ། དེ་དང་དེ་དག་ནི་གླང་པོ་ཆེ་ལྟར་སེམས་རབ་ཏུ་ཞི་བའོ།། དེ་དང་དེ་དག་ནི་ཁྱུ་མཆོག་ལྟར་ཕ་རོལ་རྒོལ་བ་ཐམས་ཅད་ཀྱིས་ཟིལ་གྱིས་མི་ནོན་པའོ།། དེ་དང་དེ་དག་ནི་སྨན་པ་སྟེ།།
244a6 སེམས་ཅན་ཐམས་ཅད་ནད་ཐམས་ཅད་ལས་རབ་ཏུ་ཐར་པར་བྱེད་པའོ།། དེ་དང་དེ་དག་ནི་ཆོས་ཟབ་མོ་བསྟན་པ་ལ་མི་དངང་བའོ།། དེ་དང་དེ་དག་ནི་སྦྱིན་པ་ཕུན་སུམ་ཚོགས་ཤིང་ཉོན་མོངས་པ་ཐམས
244a7 ཅད་ཡོངས་སུ་གཏོང་བའོ། ། དེ་དང་དེ་དག་ནི་ཚུལ་ཁྲིམས་ཡོངས་སུ་དག་ཅིང་། ཞི་བ་དང་ཞི་གནས་དམ་པའི་ཕ་རོལ་ཏུ་ཕྱིན་པའོ།། དེ་དང་དེ་དག་ནི་བཟོད་པའི་སྟོབས་དང་ལྡན་ཞིང་ངར་འཛིན་པ་དང་།
iiif viewer powered by OpenSeadragon
