| e-texts navigator |
| Wylie |
243a1 ལྷའི་དབང་པོ་བརྒྱ་བྱིན་དང་། ཚངས་པ་མི་མཇེད་ཀྱི་བདག་པོ་ལ་འདི་སྐད་ཅེས་བཀའ་སྩལ་ཏོ།། ལེགས་སོ་ལེགས་སོ།། སྐྱེས་བུ་དམ་པ་ཁྱེད་ཇིསྐད་ཟེར་བ་དེ་དེ་བཞིན་ནོ།། གྲོགས
243a2 པོ་དག་གལ་ཏེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རིན་པོ་ཆེ་ཐམས་ཅད་ཀྱིས་ཡོངས་སུ་བཀང་བའི་ཆ་གཅིག་བཞག་པ་དང་། ཆོས་ཀྱི་རྣམ་གྲངས་འདི་ཉན་པའི་དགེ་བའི་རྩ་བའི་ཆ་གཅིག
243a3 བཞག་པ་དང་། དེ་གཉིས་ནི་གང་འདི་ཆོས་ཀྱི་རྣམ་གྲངས་ཉན་པའི་དགེ་བའི་རྩ་བའི་ཆ་འདི་མཆོག་གོ།། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ལྟ་ཞོག་གི། གལ་ཏེ་ཆུ་བོ་གངྒཱའི
243a4 ཀླུང་གི་བྱེ་མ་སྙེད་ཀྱི་འཇིག་རྟེན་གྱི་ཁམས་རིན་པོ་ཆེ་ཐམས་ཅད་ཀྱིས་ཡོངས་སུ་བཀང་བའི་ཆ་གཅིག་བཞག་པ་དང་། ཆོས་ཀྱི་རྣམ་གྲངས་འདི་ཉན་པའི་དགེ་བའི་རྩ་བའི་ཆ་གཅིག་བཞག་པ་དང་། དེ་གཉིས
243a5 ནི་གང་འདི་ཆོས་ཀྱི་རྣམ་གྲངས་འདི་ཉན་པའི་དགེ་བའི་རྩ་བའི་ཆ་འདི་མཆོག་གོ། ། གྲོགས་པོ་དག་རིགས་ཀྱི་བུ་འམ། རིགས་ཀྱི་བུ་མོ་བསོད་ནམས་འདོད་པས་ཆོས་ཀྱི་རྣམ་གྲངས་འདི་མཉན་པར་བྱའོ།།
243a6 རྙེད་པ་འདོད་པ་དང་། ཆོས་འདོད་པ་དང་། གཟུགས་འདོད་པ་དང་། ལོངས་སྤྱོད་འདོད་པ་དང་། གཡོག་འདོད་པ་དང་། ཆོས་ཀྱི་དབང་ཕྱུག་འདོད་པ་དང་། ལྷའི་ཕུན་སུམ་ཚོགས
243a7 པ་འདོད་པ་དང་། མིའི་ཕུན་སུམ་ཚོགས་པ་འདོད་པ་དང་། གྲགས་པ་འདོད་པ་དང་། བརྗོད་པ་འདོད་པ་དང་། ཐོས་པ་འདོད་པ་དང་། དྲན་པ་དང་། བློ་གྲོས་དང་། རྟོགས་པ་དང་།
iiif viewer powered by OpenSeadragon
