| e-texts navigator |
| Wylie |
242b1 རླབས་པ་ལགས་སོ། ། གང་དུ་ཆོས་ཀྱི་ཚུལ་ཟབ་མོ་འདི་ཐོས་པར་འགྱུར་བའི་ས་ཕྱོགས་དེ་དག་དེ་བཞིན་གཤེགས་པས་ཡོངས་སུ་ལོངས་སྤྱོད་པའོ།། གྲོང་དང་། གྲོང་ཁྱེར་དང་། གྲོང་རྡལ་དང་།
242b2 ལྗོངས་དང་། གཙུག་ལག་ཁང་ངམ། འཆགས་གང་དུ་ཆོས་ཀྱི་རྣམ་གྲངས་འདི་བྱུང་བ་དེར་ཆོས་ཀྱི་འཁོར་ལོ་རབ་ཏུ་བསྐོར་བར་བལྟའོ།། དེར་བདུད་རྣམས་རྒྱུ་བ་མ་མཆིས། དམིགས་པ་ལ
242b3 མངོན་པར་ཆགས་པ་རྣམས་ཀྱི་རྒྱུ་བ་མ་མཆིས་ཏེ། བཅོམ་ལྡན་འདས་སེམས་ཅན་སྔོན་གྱི་རྒྱལ་བ་རྣམས་ལ་ལྷག་པར་བགྱི་བ་བགྱིས་པ་རྣམས་ཀྱི་རྣ་ལམ་དུ་ཆོས་ཀྱི་རྣམ་གྲངས་འདི་ཐོས་པར་འགྱུར་རོ།།
242b4 བཅོམ་ལྡན་འདས་འདི་ལྟར་བདག་ཅག་གིས་ཆོས་ཀྱི་རྣམ་གྲངས་འདི་ལས་ཆོས་ཀྱི་སྣང་བ་ཐོབ་སྟེ། བཅོམ་ལྡན་འདས་དེ་བཞིན་གཤེགས་པ་དང་། འཇམ་དཔལ་གཞོན་ནུར་གྱུར་པ་དང་།
242b5 ཚངས་པ་འདི་ལ་བདག་ཅག་གིས་རང་གི་ཤ་དང་ཁྲག་གིས་ཀྱང་ལན་མི་ལྗོན་ནོ།། བཅོམ་ལྡན་འདས་གང་ལས་ཆོས་ཀྱི་རྣམ་གྲངས་འདི་ཐོས་པར་འགྱུར་བའི་ཆོས་སྨྲ་བ་དེ་ལ་བདག་ཅག་སྟོན་པར་འདུ
242b6 ཤེས་བསྐྱེད་པར་བགྱིའོ། ། བཅོམ་ལྡན་འདས་ཆོས་སྨྲ་བ་དེའི་དྲུང་དུ་བདག་ཅག་རྟག་ཏུ་རྒྱུན་མི་འཆད་པར་མཆི་སྟེ། རིགས་ཀྱི་བུ་དེ་ལྷ་དག་གིས་ཡོངས་སུ་གཟུང་བར་འགྱུར་རོ།། ཆོས་ཀྱི
242b7 རྣམ་གྲངས་འདི་ཡི་གེར་འདྲི་འམ། ཀློག་གམ། སྟོན་ཏམ། ཁ་ཏོན་བྱེད་ན། བྷའི་བུ་བརྒྱ་སྟོང་ཕྲག་དུ་མ་ཆོས་ཉན་དུ་མཆིའོ།། དེ་ན་བཅོམ་ལྡན་འདས་ཀྱིས། རྒྱལ་པོ་ཆེན་པོ་བཞི་དང་།
iiif viewer powered by OpenSeadragon
