| e-texts navigator |
| Wylie |
241b1 འགྱུར་ཏེ། གཞན་དུ་མ་ཡིན་པས་ན་དེའི་ཕྱིར་དེ་ལ་གཞན་དུ་འགྱུར་བ་མེད་དོ།། བདག་ནི་རྟག་ཏུ་བདག་མེད་པ་ཡིན་ཏེ། དེའི་ཕྱིར་དེ་ལ་རྣམ་པ་གཞན་དུ་འགྱུར་བ་མེད་དོ།། ཇི་ལྟར་ན་ནམ།།
241b2 མཁའ་ལ་རྣམ་པ་གཞན་དུ་འགྱུར་བ་མེད་པ་དེ་བཞིན་དུ། ཆོས་ཐམས་ཅད་ལའང་གཞན་དུ་འགྱུར་བ་མེད་དོ།། དེ་ནས་ཚངས་པ་ཁྱད་པར་སེམས་ཀྱིས། འཇམ་དཔལ་གཞོན
241b3 ནུར་གྱུར་པ་ལ་འདི་སྐད་ཅེས་སྨྲས་སོ། ། འདི་ལྟར་ཆོས་འདི་དག་རབ་ཏུ་ཕྱེ་བ་ལས་ན། དེ་བཞིན་གཤེགས་པ་ནི་བདེན་པར་གསུངས་པའོ།། སྨྲས་པ། ཚངས་པ་དེ་བཞིན་གཤེགས་པས་ནི
241b4 ཆོས་གང་ཡང་རབ་ཏུ་མ་ཕྱེའོ། ། དེ་ཅིའི་ཕྱིར་ཞེ་ན། དེ་བཞིན་གཤེགས་པས་ཆོས་ཉིད་ཀྱང་མ་དམིགས་ན། གང་རབ་ཏུ་དབྱེ་བ་ལྟ་ཅི་སྨོས། སྨྲས་པ། འཇམ་དཔལ་ཇི་ལྟར་དེ་བཞིན་གཤེགས
241b5 པས་ཆོས་འདི་དག་ནི་འདུས་བྱས་སོ། ། ཆོས་འདི་དག་ནི་འདུས་མ་བྱས་སོ།། ཆོས་འདི་དག་ནི་འཇིག་རྟེན་པའོ།། ཆོས་འདི་དག་ནི་འཇིག་རྟེན་ལས་འདས་པའོ་ཞེས་ཆོས་རྣམས་རྣམ་པར་མི་མཁྱེན་ཏམ།། སྨྲས
241b6 པ། ཚངས་པ་འདི་ཇི་སྙམ་དུ་སེམས། སུས་ཀྱང་ནམ་མཁའ་འདི་རབ་ཏུ་ཕྱེ་བ་འམ། ཤེས་པར་གྱུར་པ་ཡོད་དམ། སྨྲས་པ། འཇམ་དཔལ་དེ་མ་ཡིན་ནོ།། འཇམ་དཔལ་གྱིས་སྨྲས་པ། གང་ནམ་མཁའ
241b7 ཞེས་བྱ་བ་དེ་སྐྱེ་བ་འམ། འགག་པར་འགྱུར་རམ། སྨྲས་པ། དེ་མ་ཡིན་ནོ།། སྨྲས་པ། ཚངས་པ་དེ་བཞིན་དུ་ཆོས་གང་ཡང་རུང་བའི་རྣམ་པར་རིག་པར་བྱེད་པ་དེའང་ནམ་མཁའི་རྣམ་པར་རིག་པར་བྱེད
iiif viewer powered by OpenSeadragon
