| e-texts navigator |
| Wylie |
240b1 ཆོས་ཐམས་ཅད་ལའང་སྤྱོད་ལ། ཆོས་གང་ལའང་མི་སྤྱོད་ན། བྱང་ཆུབ་སེམས་དཔའ་དེ་བྱང་ཆུབ་ལ་སྤྱོད་དེ། ཚངས་པ་སྤྱད་པའི་ཡུལ་ལས་འདས་པའི་བྱང་ཆུབ་སེམས་དཔའ་ནི་བྱང་ཆུབ
240b2 ཏུ་སྤྱོད་དོ། ། སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སྤྱད་པའི་ཡུལ་ལས་འདས་པ་ལ་སྤྱོད། སྨྲས་པ། དམིགས་པའི་མཚན་མ་ཐམས་ཅད་དང་བྲལ་ཞིང་། མིག
240b3 དང་། རྣ་བ་དང་། སྣ་དང་། ལུས་དང་། ལྕེ་དང་། ཡིད་དང་བྲལ་བ་དེ་ལྟར་ན་སྤྱད་པའི་ཡུལ་ཐམས་ཅད་ལས་ཤིན་ཏུ་འདས་པ་ཡིན་ནོ།། སྨྲས་པ། འཇམ་དཔལ་ཡང་དག
240b4 པར་འདས་པ་ཞེས་བྱ་བ་ཅི་ལ་བསམས། སྨྲས་པ། མཉམ་པ་ཉིད་ལྔ་མི་འདའ་འོ།། དེ་ཅིའི་ཕྱིར་ཞེ་ན། ཚངས་པ་བྱང་ཆུབ་ནི་ཆོས་ཐམས་ཅད་ཀྱི་མཉམ་པ་ཉིད་དོ།། སྨྲས་པ།
240b5 འཇམ་དཔལ་བྱང་ཆུབ་སེམས་དཔས་ཇི་ལྟར་བྱང་ཆུབ་ཏུ་འཇུག་པར་བྱ།། སྨྲས་པ། བྱང་ཆུབ་ཇི་ལྟ་བ་བཞིན་དུའོ།། སྨྲས་པ། བྱང་ཆུབ་ཇི་ལྟ་བུ་ཡིན། སྨྲས་པ། ཚངས་པ་བྱང་ཆུབ
240b6 དེ་ནི་འདས་པའང་མ་ཡིན། མ་འོངས་པའང་མ་ཡིན། ད་ལྟར་བྱུང་བའང་མ་ཡིན་ཏེ། དེ་བས་ན་བྱང་ཆུབ་སེམས་དཔའ་དུས་གསུམ་ཡོངས་སུ་དག་པའི་རྣམ་པ་དང་། འཁོར་གསུམ་ཡོངས
240b7 སུ་དག་པས་བྱང་ཆུབ་ཏུ་ཡང་དག་པར་འཇུག་པར་བྱའོ། ། འདས་པ་ཇི་ལྟ་བ་དང་། མ་འོངས་པ་ཇི་ལྟ་བ་དང་། ད་ལྟར་བྱུང་བ་ཇི་ལྟ་བ་དང་། མ་བྱུང་བ་ཇི་ལྟ་བ་དང་། མ་བྱུང་བ་གང
iiif viewer powered by OpenSeadragon
