| e-texts navigator |
| Wylie |
240a1 གཟུགས་ཀྱི་ཁམས་ལ་མི་གནས། གཟུགས་མ་མཆིས་པའི་ཁམས་ལ་མི་གནས་ཏེ། བཅོམ་ལྡན་འདས་བྱང་ཆུབ་ནི་མི་གནས་པ་ལགས་པས་དེ་ལ་དེ་སྨོན་པར་བགྱི
240a2 བ་མ་མཆིས་སོ། ། བཅོམ་ལྡན་འདས་འདི་ལྟ་སྟེ། དཔེར་ན་སྐྱེས་བུ་ལ་ལ་ཞིག་གིས་ནམ་མཁའ་ཐོབ་པར་བགྱིའོ་ཞེས་ནམ་མཁའ་ལ་སྨོན་ན་དེས་ནམ་མཁའ་ཐོབ་པར་འགྱུར་རམ།
240a3 བཀའ་སྩལ་པ། འཇམ་དཔལ་དེ་ནི་མ་ཡིན་ནོ།། འཇམ་དཔལ་གྱིས་གསོལ་པ། བཅོམ་ལྡན་འདས་དེ་བཞིན་དུ་གང་བྱང་ཆུབ་ནམ་མཁའ་དང་མཚུངས་པ་ལ་སྨོན་པ་དེ་དག་ནི་ནམ་མཁའ
240a4 ལ་སྨོན་པ་ལགས་སོ། ། བཅོམ་ལྡན་འདས་བྱང་ཆུབ་ནི་སྨོན་པ་མ་མཆིས་པ། དུས་གསུམ་ལས་འདས་པ། ཉེ་བར་མི་མཆིས་པ་ལགས་ཏེ། བཅོམ་ལྡན་འདས་བྱང་ཆུབ་སེམས་དཔའ
240a5 གང་འདུ་ཤེས་གཉིས་སུ་བགྱིས་ནས་བྱང་ཆུབ་ཀྱང་གཞན་ལ། འཁོར་བའང་གཞན་ནོ།། བྱང་ཆུབ་ཀྱང་གཞན་ལ། ལྟ་བར་གྱུར་པའང་གཞན་ནོ།། བྱང་ཆུབ་ཀྱང་གཞན་ལ
240a6 མྱ་ངན་ལས་འདས་པའང་གཞན་ནོ་ཞེས་སྨོན་པར་བགྱིད་ན། བྱང་ཆུབ་སེམས་དཔའ་དེ་དག་ནི་བྱང་ཆུབ་ལ་སྤྱོད་པ་མ་ལགས་སོ།། དེ་ནས་ཚངས་པ་ཁྱད་པར་སེམས་ཀྱིས།། འཇམ
240a7 དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། ། འཇམ་དཔལ་བྱང་ཆུབ་སེམས་དཔའ་ཇི་ལྟར་སྤྱོད་ན། བྱང་ཆུབ་ལ་སྤྱོད་པ་ཡིན། སྨྲས་པ། ཚངས་པ་བྱང་ཆུབ་སེམས་དཔའ་གང
iiif viewer powered by OpenSeadragon
