| e-texts navigator |
| Wylie |
239b1 ཚུལ་འདི་བཟུང་བ་དག། དེ་དག་དཔའ་བོས་ནུས་པ་སྟེ།། བདུད་ཀྱི་སྡེ་རྣམས་རབ་ཏུ་འཇོམ།། བརྩོན་འགྲུས་ཆེ་ཞིང་ཤེས་རབ་ཆེ།། མདོ་སྡེ་འདི་ལ་གང་དགའ་བ།། ང་ནི་བཟོད
239b2 ལ་གནས་པའི་ཚེ། ། མར་མེ་མཛད་ཀྱི་ལུང་བསྟན་ལྟར།། དེ་ཚེ་དེ་དག་ལུང་བསྟན་ཏོ།། མདོ་སྡེ་འདི་ནི་གང་སྨྲ་བ།། འདི་ནི་སངས་རྒྱས་སྐྱོབ་པ་ཡི།། འཇིག་རྟེན་སྒྲོལ་བ་མ་བྱུང
239b3 ཚེ། ། སངས་རྒྱས་མཛད་པ་བྱེད་པར་འགྱུར།། ཡང་ཚིགས་སུ་བཅད་པ་མངོན་པར་སྒྲུབ་པ་འདི་བཤད་པ་ན། ལྕེའི་བུ་ལྔ་སྟོང་བྱང་ཆུབ་ཏུ་སེམས་སྨྲས་སོ།། བྱང་ཆུབ་སེམས་དཔའ
239b4 ཉིས་སྟོང་མི་སྐྱེ་བའི་ཆོས་ལ་བཟོད་པ་སྐྱེས་སོ། ། དགེ་སློང་སྟོང་ལྷག་ཙམ་ལེན་པ་མེད་པར་ཟག་པ་ལས་སེམས་རྣམ་པར་གྲོལ་ལོ།། སྲོག་ཆགས་སུམ་ཁྲི་ཉིས་སྟོང་ཆོས་རྣམས་ལ་ཆོས་ཀྱི་མིག་རྡུལ
239b5 མེད་ཅིང་དྲི་མ་དང་བྲལ་བ་རྣམ་པར་དག་གོ། ། དེ་ནས་བཅོམ་ལྡན་འདས་ལ། འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ།། ཇི་ལྟར་བཅོམ་ལྡན་འདས་ཀྱིས་བཤད་པའི་དོན
239b6 བདག་གིས་འཚལ་བ་ལྟར་ན། ། གང་བྱང་ཆུབ་ཀྱི་ཕྱིར་སྨོན་པ་ནི་ལོག་པར་ལྟ་བ་ལ་སྨོན་པ་ལགས་སོ།། དེ་ཅིའི་སླད་དུ་ཞེ་ན། བཅོམ་ལྡན་འདས་དམིགས་པ་ནི་ལོགས་པ་ལགས་ཏེ། དེ་ལྟ་བས
239b7 ན་བྱང་ཆུབ་ལ་དམིགས་པར་བགྱིད་ཅིང་། དམིགས་པ་ལ་སྨོན་པ་དེ་དག་གི་འབད་པ་ནི་ལོག་པ་ལགས་སོ།། དེ་ཅིའི་སླད་དུ་ཞེ་ན། བཅོམ་ལྡན་འདས་བྱང་ཆུབ་ནི་འདོད་པའི་ཁམས་ལ་མི་གནས།
iiif viewer powered by OpenSeadragon
