| e-texts navigator |
| Wylie |
239a1 ཐམས་ཅད་ལ། ། སེར་སྣ་བྱེད་པ་ཡོངས་མེད་དོ།། ཇི་ལྟར་ནམ་མཁའ་ཚད་མེད་ཅིང་།། གཟུགས་མེད་བསྟན་དུ་མེད་པ་ལྟར།། དེ་བཞིན་ཐེག་པ་ཆེན་པོ
239a2 འདི། ། ཚད་མེད་བསྒྲིབས་པ་མེད་པའོ།། གལ་ཏེ་སེམས་ཅན་ཐམས་ཅད་ཀྱང་།། ཐེག་པ་དམ་པ་འདོད་འགྱུར་ན།། ཐམས་ཅད་ཀྱི་ཡང་གོ་སྐབས་ཡོད།། ཐེག་པའི་ཁྱད
239a3 པར་དག་ལ་ལྟོས། ། ཐེག་པ་ཆེན་པོའི་ཡོན་ཏན་དག། དེ་ལ་གང་རྣམས་གནས་པ་ཡི།། དེ་དག་གིས་ནི་བསྔགས་པའི་མཐའ།། བསྐལ་པ་བྱེ་བར་བཤད་མི་ནུས།།
239a4 ཚིག་བཞི་པ་ཡི་ཚིགས་བཅད་ཙམ།། མདོ་མཆོག་འདི་ལས་གང་འཛིན་པ།། དེ་དག་གིས་ནི་མི་ཁོམ་སྤངས།། མཁས་པ་དེ་དག་དལ་བ་ཐོབ།། གང་དག་མདོ་སྡེ་འདིར་དགའ་བ།།
239a5 དེ་དག་ཕྱིན་ཆད་ངན་སོང་དུ།། འགྲོ་བར་འགྱུར་བ་མ་ཡིན་ཏེ།། དེ་དག་ལྷ་དང་མིར་འགྱུར་རོ།། ཕྱི་དུས་འཇིགས་པ་ཆེན་པོའི་ཚེ།། མདོ་སྡེ་འདི་ནི་གང་ཉན་པ།། དེ་དག
239a6 ཐམས་ཅད་བྱང་ཆུབ་ཏུ། ། ཤིན་ཏུ་གཞོལ་བར་ངས་ལུང་བསྟན།། དེ་ཡི་ལག་ན་དམ་ཆོས་ཡོད།། དེ་དག་དག་པའི་ཆོས་ལ་གནས།། ཆོས་འདི་ལ་ནི་གནས་ནས་ཀྱང་།། དེ་དག
239a7 ཆོས་ཀྱི་འཁོར་ལོ་བསྐོར། ། གང་གིས་མདོ་སྡེ་འདི་བཟུང་བ།། དེ་དག་རྫོགས་པའི་བྱང་ཆུབ་ཉེ།། བསྐལ་པ་བསམ་ལས་འཁོར་བ་ལས།། བདག་ཉིད་ཆེན་པོ་དེ་དག་སྤོང་།། གང་གིས
iiif viewer powered by OpenSeadragon
