| e-texts navigator |
| Wylie |
237a1 ཤིན་ཏུ་མི་གནས་སོ།། ཁམས་བཞི་ལས་ནི་བྱུང་བ་ཡི།། སྨྲས་འདི་ཉིད་ནི་དགྲ་དང་མཚུངས།། ཡང་དག་ཡོངས་སུ་རྟོགས་པ་ཡི།། མཁས་པ་དེ་དག་བདག
237a2 མི་སྙམས། ། དེ་ལྟར་མངོན་སུམ་གྱུར་པས་ན།། དེ་དག་བཟོད་པ་སྨྲ་བ་ཡིན།། དེ་ཡི་སེམས་ནི་སུན་དབྱུང་བར།། མ་ལུས་སྐྱེ་བོས་མི་ནུས་སོ།། དེ་དག་བརྩོན་འགྲུས་ཆེ་རྩོམ
237a3 ། མཐུ་བརྟན་འཇིགས་པ་མེད་པ་དག། ལུས་དང་སེམས་རྣམས་རིགས་ནས་ནི།། དེ་དག་ལ་ནི་གནས་མི་འགྱུར།། འཁོར་བ་ཡི་ནི་ཐོག་མ་ཡིན།། མཐའ་ནས་བཟུང
237a4 སྟེ་མ་སྐྱེས་སོ། ། སེམས་ཅན་གཅིག་གི་དོན་ཕྱིར་ཡང་།། སྟོབས་པོ་ཆེ་དག་གོ་ཆགྱོན།། ཆོས་ནི་གང་ཡང་མི་སྐྱེ་སྟེ།། འབྱུང་བར་འགྱུར་བའང་མེད་མོད་ཀྱི།། བྱིས་པ་ཕྱིན་ཅི
237a5 ལོག་པའི་ཕྱིར། ། སྔོན་གྱི་མཐའ་ནི་མི་རྟོགས་སོ།། དབྱིངས་འདི་རྟག་ཏུ་གནས་པ་སྟེ།། ཆོས་ཀྱི་དབྱིངས་ནི་བསམ་མི་ཁྱབ།། དེ་ལྟར་ཡང་དག་རབ་ཤེས་ནས།། འདི་ལ་སྐྱེ་མེད
237a6 འཇིགས་པའང་མེད། ། ཆོས་ཀྱི་ཆོས་ཉིད་འདི་རྣམས་ནི།། སེམས་ཅན་འདི་དག་མི་ཤེས་ཏེ།། དེ་ཕྱིར་དེ་ཡི་ཕྱིན་ཅི་ལོག། སྤང་བའི་ཕྱིར་ནི་དེ་དག་བརྩོན།། སེམས་ཅན་རྫོགས
237a7 པའི་སངས་རྒྱས་ཀྱིས། ། ཇི་ལྟར་བུར་ཡང་ཡོང་མ་རྙེད།། གོ་ཆ་དག་ཀྱང་མི་འདོར་ཏེ།། བརྩོན་འགྲུས་བདག་གིས་ཁྱད་པར་ལྟོས།། ཇི་ལྟར་སྒྱུ་མ་སྡིག་རྒྱུ་ལྟར།། ཆོས་རྣམས
iiif viewer powered by OpenSeadragon
