| e-texts navigator |
| Wylie |
233a1 དེ་ནས་འཇམ་དཔལ་གཞོན་ནུར་གྱུར་པས། བྲམ་ཟེ་ཤིང་སཱ་ལ་ཆེན་པོ་ལྟ་བུའི་བུ་མཉམ་པར་གནས་པ་ལ་འདི་སྐད་ཅེས་སྨྲས་སོ།། ཇི་ལྟར་ན་བྱང་ཆུབ་སེམས་དཔའ་མངོན
233a2 པར་བརྩོན་པ་མངོན་པར་བརྩོན་པ་ཞེས་བྱ། སྨྲས་པ། བྱང་ཆུབ་སེམས་དཔའ་ཇི་ལྟར་བརྩོན་པར་བྱས་པས་མངོན་པར་རྟོགས་པ་ཐོབ་པར་འགྱུར་བ་དེ་འདི་ནི་མངོན་པར་བརྩོན་པའོ།། སྨྲས་པ
233a3 ཡང་ཇི་ལྟར་མངོན་པར་བརྩོན་པས་མངོན་པར་རྟོགས་པ་འཐོབ་པར་འགྱུར། སྨྲས་པ། གང་ཆོས་གང་ལའང་རྣམ་པར་མི་རྟོགས་ན་དེ་ལྟར་མངོན་པར་བརྩོན་པས་མངོན་པར་རྟོགས་པ་འཐོབ་པར
233a4 འགྱུར་རོ། ། སྨྲས་པ། ཇི་ལྟར་ན་མངོན་པར་རྟོགས་པ་མངོན་པར་རྟོགས་པ་ཡིན། སྨྲས་པ། མཉམ་པ་ཉིད་གང་གིས་ཆོས་ཐམས་ཅད་མཉམ་པར་མཐོང་བ་ནི་དེ་ལྟར་ན་མངོན་པར་རྟོགས
233a5 པ་མངོན་པར་རྟོགས་པ་ཡིན་ནོ། ། སྨྲས་པ། རིགས་ཀྱི་བུ་མཉམ་པ་ཉིད་མཐོང་བར་རུང་ངམ། སྨྲས་པ། མི་རུང་ངོ་།། སྨྲས་པ། གལ་ཏེ་མི་རུང་ན་མི་མཉམ་པར་གྱུར་ཏེ།
233a6 མཉམ་པར་མི་རུང་ངོ་།། ཁྱད་པར་སེམས་ཀྱིས་སྨྲས་པ། འཇམ་དཔལ་གང་མཉམ་པ་ཉིད་ཀྱིས་ཆོས་ཐམས་ཅད་མི་མཐོང་བ་འདི་ནི་མངོན་པར་རྟོགས་པ་ཞེས་བྱའོ།། འཇམ་དཔལ་གྱིས
233a7 སྨྲས་པ། ཚངས་པ་ཅིའི་ཕྱིར་མི་མཐོང་། སྨྲས་པ། གཉིས་དང་བྲལ་བའི་ཕྱིར་མི་མཐོང་ངོ་།། འཇམ་དཔལ་མི་མཐོང་བ་ནི་ཡང་དག་པར་མཐོང་བ་ཡིན་ནོ།། སྨྲས་པ། ཚངས
iiif viewer powered by OpenSeadragon
