| e-texts navigator |
| Wylie |
232a1 བསྟན་ཏེ། དེའི་ཚེ་ཚངས་པ་བརྒྱ་སྟོང་ཕྲག་བདུན་ཅུ་རྩ་གཉིས་པོ་དེ་དག་མི་སྐྱེ་བའི་ཆོས་ལ་བཟོད་པ་སྐྱེས་སོ།། ཚངས་པ་འོད་ཟེར་བཟང་པོས་ཀྱང་ཏིང་ངེ་འཛིན་ཀུན་ཏུ
232a2 སྣང་བ་མངོན་དུ་གྱུར་ཏེ། རབ་ཐོབ་བོ།། རིགས་ཀྱི་བུ་དེ་ལྟར་བྱང་ཆུབ་སེམས་དཔའ་སྤོབས་པ་རྒྱུན་མི་འཆད་པ་དེ་གཉིས་དྲིས་པ་གཉིས་པོ་འདི་ལྟ་སྟེ། ཆོས་ཀྱི་གཏམ་དང་། འཕགས
232a3 པ་མི་སྨྲ་བར་གྱུར་པ་ཡང་དག་པར་སྟོན་ཅིང་འདུག་སྟེ། དེ་གཉིས་ཀྱིས་ལེ་སྟོང་ཕྲག་བདུན་ཅུ་རྩ་དྲུག་གི་བར་དུ་དོན་གྱི་ཚིག་འདི་གཉིས་གཏན་ལ་འབེབས་ཤིང་ལན་ལྗོན་པར་གྱུར་ཏེ། གཅིག་གིས
232a4 ཡང་མཐར་མ་ཕྱིན། གཉིས་པོའང་མཐར་མ་ཕྱིན་ཏོ།། དེས་ན་དེ་བཞིན་གཤེགས་པ་དེ་སྟེང་གི་ནམ་མཁའ་ལ་བཞུགས་ནས། དེ་གཉིས་ལ་འདི་སྐད་ཅེས་བཀའ་སྩལ་པ། རིགས
232a5 ཀྱི་བུ་ཆོག་གོ། ། སྨྲས་པ། རྩོད་པར་མ་བྱེད་ཅིག། སྨྲ་བས་རྩོད་པར་མ་བྱེད་ཅིག། སྨྲ་བ་ཐམས་ཅད་ནི་བྲག་ཆ་དང་མཚུངས་ཏེ། སྒྲ་ཅི་འདྲ་བ་དེ་བཞིན་དུ་སྒྲ་བརྙན་ཡང་དེ་བཞིན
232a6 ནོ། ། ཁྱེད་ཀྱིས་སྤོབས་པ་སོ་སོ་ཡང་དག་པར་རིག་པ་མི་ཟད་པ་མངོན་པར་བསྒྲུབ་པ་ཁོང་དུ་ཆུད་དོ།། ཁྱེད་འདོད་ན་དྲིས་པ་འདིའི་དོན་བསྐལ་པ་འམ། བསྐལ་པ་ལས་ལྷག་པར་ཡང་ལན
232a7 ལྗོན་ཞིང་ཁྱེད་ཀྱིས་སྤོབས་པའི་མཐར་ཕྱིན་པར་ཡང་མི་འགྱུར་མོད་ཀྱི། སངས་རྒྱས་ཀྱི་ཚིག་ནི་ཉེ་བར་ཞི་བ་ཡིན་ཏེ། ཞི་བ། རབ་ཏུ་ཞི་བ། ཉེ་བར་ཞི་བ། ཡི་གེ་མེད་པའི་དོན་ཏོ།།
iiif viewer powered by OpenSeadragon
