| e-texts navigator |
| Wylie |
225b1 པ་མི་སྨྲ་བར་གྱུར་པས་གནས་པར་བྱའོ་ཞེས་གསུངས་ན། དེ་ལའཇམ་དཔལ་ཆོས་ཀྱི་གཏམ་ནི་གང་། འཕགས་པ་མི་སྨྲ་བར་གྱུར་པ་ནི་གང་། སྨྲས་པ། གཏམ་གང་གིས་སངས་རྒྱས་འཇུན
225b2 པར་མི་བྱེད། ཆོས་འཁྲུགས་པར་མི་བྱེད། དགེ་འདུན་འཁྲུགས་པར་མི་བྱེད་པ་འདི་ནི་ཆོས་ཀྱི་གཏམ་མོ།། སངས་རྒྱས་ལ་ཆོས་ཉིད་དུ་མོས་པ་དང་། ཆོས་ལ་འདོད་ཆགས་དང་བྲལ་བར
225b3 མོས་པ་དང་། དགེ་འདུན་ལ་འདུས་མ་བྱས་སུ་མོས་པ་འདི་ནི་འཕགས་པ་མི་སྨྲ་བར་གྱུར་པའོ།། གཞན་ཡང་རིགས་ཀྱི་བུ་དྲན་པ་ཉེ་བར་གཞག་པ་བཞི་ལས་བརྩམས་ཏེ་གཏམ་བརྗོད་པ་འདི་ནི་ཆོས
225b4 ཀྱི་གཏམ་མོ། ། ཡང་ཆོས་ཐམས་ཅད་ལ་མ་དྲིན་ཞིང་ཡིད་ལ་མི་བྱེད་པ་འདི་ནི་འཕགས་པ་མི་སྨྲ་བར་གྱུར་པའོ།། གང་ཡང་དག་པར་སྤོང་བ་བཞི་ལས་བརྩམས་ཏེ་གཏམ་བརྗོད་པ་ནི་ཆོས་ཀྱི་གཏམ
225b5 མོ། ། གང་མཉམ་པ་ཉིད་ཀྱི་མཚུངས་པར་ཡང་མི་བྱེད། མི་མཚུངས་པར་ཡང་མི་བྱེད་པ་འདི་ནི་འཕགས་པ་མི་སྨྲ་བར་འགྱུར་བའོ།། གང་རྫུ་འཕྲུལ་གྱི་རྐང་པ་བཞི་ལས་བརྩམས་ཏེ་གཏམ
225b6 བརྗོད་པ་འདི་ནི་ཆོས་ཀྱི་གཏམ་མོ། ། གང་ལུས་དང་། ངག་དང་། ཡིད་ཀྱིས་བརྩོན་པར་མི་བྱེད་པ་འདི་ནི་འཕགས་པ་མི་སྨྲ་བར་གྱུར་པའོ།། གང་དབང་པོ་ལྔ་དང་། སྟོབས་ལྔ་ལས་བརྩམ
225b7 ཏེ་གཏམ་བརྗོད་པ་འདི་ནི་ཆོས་ཀྱི་གཏམ་མོ། ། གང་སུ་ལའང་དད་པས་ཆོས་གང་ལའང་དད་པར་མི་བྱེད་ཅིང་། ཆོས་ཐམས་ཅད་ལའང་བླང་བ་མེད་པ་དང་། དོར་བ་མེད་པར་རབ་ཏུ་རྣམ་པར་བྱེད་པ་འང
iiif viewer powered by OpenSeadragon
