| e-texts navigator |
| Wylie |
225a1 སྨྲས་པ། རིགས་ཀྱི་བུ་ཡི་གེ་གང་དག་གིས་འཕགས་པ་རྣམས་ཐ་སྙད་དུ་འདོགས་པའི་ཡི་གེ་དེ་དག་ཉིད་ཀྱིས་འཕགས་པ་མ་ཡིན་པ་རྣམས་ཀྱང་ཐ་སྙད་དུ་འདོགས་སོ།།
225a2 སྨྲས་པ། འཇམ་དཔལ་དེ་དེ་བཞིན་ནོ།། སྨྲས་པ། ཅི་ཡི་གེ་དེ་དག་འཕགས་པ་འམ། འཕགས་པ་མ་ཡིན་པ་ཞེས་རྟོག་གམ། སྨྲས་པ། དེ་མ་ཡིན་ནོ།། སྨྲས་པ
225a3 ཇི་ལྟར་ཡི་གེ་དེ་དག་མི་རྟོག། རྣམ་པར་མི་རྟོག་པ་དེ་བཞིན་དུ། འཕགས་པ་རྣམས་ནི་རྟོག་པ་དང་རྣམ་པར་རྟོག་པ་ཐམས་ཅད་དང་བྲལ་བའོ།། དེ་དག་ལ་ཐ་སྙད་མེད་དེ། འཕགས་པ་རྣམས
225a4 ནི་ཡི་གེར་འདུ་ཤེས་པས་ཐ་སྙད་དུ་མི་འདོགས་སོ། ། ཆོས་སུ་འདུ་ཤེས་པས་མ་ཡིན། ཆོས་མ་ཡིན་པར་འདུ་ཤེས་པས་མ་ཡིན། བདག་ཏུ་འདུ་ཤེས་པས་མ་ཡིན། ཕ་རོལ་ཏུ་འདུ་ཤེས
225a5 པས་མ་ཡིན་ནོ། ། འདི་ལྟ་སྟེ། དཔེར་ན་སིལ་སྙན་དང་། རྔ་བོ་ཆེ་དང་། རྫ་རྔ་དང་། དུང་དག་ནི་རྐྱེན་གྱིས་སྒྲ་འབྱུང་ཡང་དེ་དག་རྣམ་པར་མི་རྟོག་པ་དེ་བཞིན་དུ། འཕགས་པ་རྣམས
225a6 རྐྱེན་འབྱུང་བ་མཐོང་བའི་ཕྱིར་ཐ་སྙད་འདོགས་པས་ཆགས་པར་མི་བྱེད། མངོན་པར་ཆགས་པར་མི་བྱེད་དོ།། དེ་ནས་བྱང་ཆུབ་སེམས་དཔའ་མཉམ་པར་གནས་ཀྱིས། འཇམ་དཔལ་གཞོན
225a7 ནུར་གྱུར་པ་ལ་འདི་སྐད་ཅེས་སྨྲས་སོ། ། འཇམ་དཔལ་བཅོམ་ལྡན་འདས་ཀྱིས། འདི་ལྟར་དགེ་སློང་དག་འདུས་ཏེ་འཁོད་པས་བྱ་བ་གཉིས་ཡོད་དོ།། ཆོས་ཀྱི་གཏམ་བྱ་བ་དང་། འཕགས
iiif viewer powered by OpenSeadragon
