| e-texts navigator |
| Wylie |
221a1 གལ་ཏེ་རིགས་ཀྱི་བུ་གནས་པ་གང་གིས་བྱིས་པ་སོ་སོའི་སྐྱེ་བོ་ཐམས་ཅད་གནས་པ་དེས། དེ་བཞིན་གཤེགས་པ་ཐམས་ཅད་གནས་པར་མཛད་ན། དེ་བཞིན་གཤེགས་པ་རྣམས
221a2 ལ་ཁྱད་པར་དུ་འཕགས་པ་ཅི་ཞིག་ཡོད། སྨྲས་པ། ཚངས་པ་དེ་སྟོང་པ་ཉིད་ལ་ཁྱད་པར་ཡོད་པར་འདོད་དམ། སྨྲས་པ། འཇམ་དཔའ་དེ་ནི་མ་ཡིན་ནོ།། འཇམ་དཔལ་གྱིས་སྨྲས་པ།
221a3 བཅོམ་ལྡན་འདས་ཀྱིས་ཆོས་ཐམས་ཅད་སྟོང་པ་ཞེས་བཤད་དམ། སྨྲས་པ། དེ་དེ་བཞིན་ནོ།། སྨྲས་པ། ཚངས་པ་དེའི་ཕྱིར་ཆོས་ཐམས་ཅད་བྱེ་བྲག་མེད་དེ། དེ་དག་གི་གནས་པའང་དེའི
221a4 མཚན་ཉིད་དོ། ། ཚངས་པ་དེ་བཞིན་གཤེགས་པ་ནི་ཆོས་ཐ་དད་དུ་མི་འདོགས་སོ།། སྨྲས་པ། འཇམ་དཔལ་གནས་པ་གནས་པ་གནས་པ་ཞེས་བྱ་བའི་གནས་པ་དེ་གང་ཡིན། སྨྲས་པ།
221a5 ཚངས་པ་གང་ལ་ཚངས་པའི་གནས་བཞི་ཡོད་པ་འདི་ནི་གནས་ཞེས་བྱ་སྟེ། གང་ཚངས་པ་ཚངས་པའི་གནས་བཞི་དང་བྲལ་བ་དེ་ནི་གནས་ལ་གནས་པ་མ་ཡིན་ནོ།། གནས་གང་ལ་གནས་པས་ཚངས་པའི
221a6 གནས་བཞི་རྫོགས་པར་བྱས་ཏེ། གནས་པ་དེ་དག་ནི་གནས་ལ་གནས་པའོ།། ཚངས་པ་དགོན་པ་འམ། བླ་གབ་མེད་པ་ན་གནས་ཀྱང་ཚངས་པའི་གནས་བཞི་དང་བྲལ་ན། དེ་གནས་ལ་གནས
221a7 པ་མ་ཡིན་ནོ། ། གནས་པ་ལ་མཁས་པ་མ་ཡིན་ནོ།། སྨྲས་པ། དེ་སྟེ་ཡང་ཐོག་དང་ཁང་བུ་བརྩེགས་པར་གསེར་གྱི་ཁྲི་ལ་གདིང་བ་དང་དགབ་པ་བཤམ་པའི་གནས་ན་གནས་ཀྱང་ཚངས་པའི་གནས
iiif viewer powered by OpenSeadragon
