| e-texts navigator |
| Wylie |
220b1 བར་བགྱིད་པ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ། ། བྱང་ཆུབ་སེམས་དཔའ་ཀུན་ཏུ་མེ་ཏོག་གིས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་གང་ཕྱོགས་བཅུའི་འཇིག
220b2 རྟེན་ན། སངས་རྒྱས་ཀྱི་ཞིང་ཐམས་ཅད་དེ་བཞིན་གཤེགས་པ་རྣམས་ཀྱིས་མེ་ཏོག་རྒྱས་པ་ལྟ་བུར་མཐོང་བ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ།། དེ་ལྟར་བྱང་ཆུབ་སེམས་དཔའ་དེ་དག
220b3 གིས་རང་རང་གི་སྤོབས་པ་རྣམ་པར་བཤད་དོ། ། དེ་ནས་བཅོམ་ལྡན་འདས་ཀྱིས། བྲམ་ཟེ་ཤིང་སཱ་ལ་ཆེན་པོ་ལྟ་བུའི་བུ་མཉམ་པར་གནས་པ་ལ་བཀའ་སྩལ་པ། བྱང་ཆུབ་སེམས་དཔའ་གང་སྡུག་བསྔལ་བའི
220b4 སེམས་ཅན་ཐམས་ཅད་ཐར་པར་བྱ་བར་སྤྲོ་ཞིང་དག་པའི་རྩ་བ་ཐམས་ཅད་ཀྱང་སེམས་ཅན་ཐམས་ཅད་ལ་གཏོང་བ་དེ་ནི་དེའི་ཕྱིར་བྱང་ཆུབ་སེམས་དཔའ་ཞེས་བགྱིའོ། ། དེ་ནས་ཚངས་པ་ཁྱད་པར་སེམས་ཀྱིས།
220b5 འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ།། རིགས་ཀྱི་བུ་ཁྱོད་གནས་པ་ཇི་ལྟ་བུས་གནས་པར་བྱེད། སྨྲས་པ། གནས་པ་གང་གིས་འདུས་བྱས་ཐམས་ཅད་ལ་ཞུགས་པའི་སེམས་ཅན
220b6 ཐམས་ཅད་གནས་པའོ། ། སྨྲས་པ། གནས་པ་ནི་འདུས་བྱས་ཐམས་ཅད་ལ་ཞུགས་པའི་སེམས་ཅན་ཐམས་ཅད་གནས་པ་གང་གིས་གནས། སྨྲས་པ། གང་གིས་དེ་བཞིན་གཤེགས་པ་ཐམས
220b7 ཅད་གནས་པ་གང་གིས་གནས་པའོ། ། སྨྲས་པ། དེ་བཞིན་གཤེགས་པ་ཐམས་ཅད་གནས་པ་གང་གིས་གནས་པར་མཛད། སྨྲས་པ། དོན་དམ་པའི་སྟོང་པ་ཉིད་ལ་གནས་པས་སོ།། སྨྲས་པ།
iiif viewer powered by OpenSeadragon
