| e-texts navigator |
| Wylie |
220a1 དཔའ་དགའ་བྱེད་ཀྱིས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་གང་སངས་རྒྱས་ལ་བསྙེན་བཀུར་བགྱི་བ་དང་། དམ་པའི་ཆོས་ཡོངས་སུ་གཟུང་བ་དང
220a2 སེམས་ཅན་ཡོངས་སུ་སྨིན་པར་བགྱི་བ་དང་། ཆོས་གསུམ་གྱིས་དགའ་བར་བགྱིད་པ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ།། ཚངས་པ་ཁྱད་པར་སེམས་ཀྱིས་གསོལ་པ
220a3 བཅོམ་ལྡན་འདས་བྱང་ཆུབ་སེམས་དཔའ་གང་སངས་རྒྱས་ཀྱི་ཆོས་མ་ལགས་པའི་ཆོས་གང་ཡང་མ་མཆིས་སོ་ཞེས་སྣང་བར་འགྱུར་བ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ། ། བྱང་ཆུབ
220a4 སེམས་དཔའ་བྱམས་པས་གསོལ་བ། བཅོམ་ལྡན་འདས་བྱང་ཆུབ་སེམས་དཔའ་གང་མཐོང་མ་ཐག་ཏུ་སེམས་ཅན་དག་བྱམས་པའི་ཏིང་ངེ་འཛིན་ཐོབ་པར་འགྱུར་བ་དེ་ནི་དེའི་སླད་དུ་བྱང་ཆུབ་སེམས
220a5 དཔའ་ཞེས་བགྱིའོ། ། འཇམ་དཔལ་གཞོན་ནུར་གྱུར་པས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་གང་ཆོས་སྟོན་པ་ཐམས་ཅད་ཀྱང་སྟོན་ལ། ཆོས་སུ་འདུ་ཤེས་པའང་མ
220a6 མཆིས། ཆོས་མ་ལགས་པར་འདུ་ཤེས་པའང་མ་མཆིས། བདག་ཏུ་འདུ་ཤེས་པའང་མ་མཆིས། ཕ་རོལ་ཏུ་འདུ་ཤེས་པའང་མི་བགྱིས་ཏེ། དེ་ནི་དེའི་སླད་དུ་བྱང་ཆུབ་སེམས་དཔའ་ཞེས
220a7 བགྱིའོ། ། བྱང་ཆུབ་སེམས་དཔའ་དྲ་བ་ཅན་གྱི་འོད་ཀྱིས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་གང་གིས་འོད་ཀྱིས་སེམས་ཅན་རྣམས་ཀྱི་ཉོན་མོངས་པ་ཐམས་ཅད་རབ་ཏུ་ཞི
iiif viewer powered by OpenSeadragon
