| e-texts navigator |
| Wylie |
219b1 ཀྱང་སྟོན་པ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ། ། བུ་མོ་རིན་ཆེན་གྱིས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་གང་སངས་རྒྱས་དང་། ཆོས་དང་། དགེ
219b2 འདུན་རིན་པོ་ཆེ་མ་གཏོགས་པའི་རིན་པོ་ཆེ་གཞན་ལ་དགའ་བ་མི་སྐྱེད་པ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ། ། དགེ་བསྙེན་ས་གས་བྱིན་གྱིས་གསོལ་པ། བཅོམ་ལྡན་འདས་དམིགས
219b3 པ་ཅན་ལ་ནི་བྱང་ཆུབ་མ་མཆིས་ཏེ། གང་ཆོས་ཐམས་ཅད་ལ་མི་དམིགས་པ་དང་། མི་སྐྱེད་མི་འགོག་པ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ།། ཁྱིམ་བདག་བཟང་སྐྱོང་གིས
219b4 གསོལ་པ། བཅོམ་ལྡན་འདས་བྱང་ཆུབ་སེམས་དཔའ་གང་གི་མིང་ཙམ་བཟུང་བས་སེམས་ཅན་བྱང་ཆུབ་ཏུ་ངེས་པར་འགྱུར་བ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ།། གཞོན
219b5 ནུར་གྱུར་པ་རིན་ཆེན་ཟླ་བས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་གང་རྟག་ཏུ་རྒྱུན་མི་འཆད་པར་གཞོན་ནུའི་ཚངས་པར་སྤྱོད་པ་དང་ལྡན་ཞིང་འདོད་པ་ལ་རྟོག་པས་ཀྱང་ཡོངས་སུ
219b6 མི་སྤྱོད་ན། གཉིས་ཀྱི་དབང་པོ་གཉིས་འཇལ་བ་ལྟ་ཅི་སྨོས་ཏེ། དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ།། ལྷའི་བུ་མནྡ་ར་བའི་དྲི་ཡིས་གསོལ་པ། བཅོམ་ལྡན་འདས
219b7 བྱང་ཆུབ་སེམས་དཔའ་གང་ཚུལ་ཁྲིམས་ཀྱི་དྲིས་ཡོང་སུ་བསྒོས་པས་གང་ཚུལ་ཁྲིམས་ཀྱི་དྲི་ལས་དྲི་གཞན་གྱི་ངད་མི་ལྡང་བ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ། ། བྱང་ཆུབ་སེམས
iiif viewer powered by OpenSeadragon
