| e-texts navigator |
| Wylie |
215b1 གྱུར་པ་ཐམས་ཅད་མ་མཐོང་བས་བདེན་པ་མཐོང་བའོ། ། སྨྲས་པ། དེ་གང་དུ་བཙལ་བར་བྱ། སྨྲས་པ། ཕྱིན་ཅི་ལོག་བཞི་དག་ལས་བདེན་པ་བཙལ་བར་བྱའོ།། སྨྲས་པ། འཇམ་དཔའ
215b2 ཅི་ལ་བསམས་ཏེ་འདི་སྐད་སྟོན། སྨྲས་པ། ཕྱིན་ཅི་ལོག་བཞི་ཚོལ་བ་གང་ཡིན་པ་དེ་ལ་རྟག་པའང་མེད། བདེ་བའང་མེད། བདག་ཀྱང་མེད། གཙང་བའང་མེད། གང་ལ་རྟག་པ་མེད་པ་དེ་ནི་མི
215b3 རྟག་པའོ། ། གང་ལ་བདེ་བ་མེད་པ་དེ་ནི་སྡུག་བསྔལ་བའོ།། གང་ལ་བདག་མེད་པ་དེ་ནི་བདག་མེད་པའོ།། གང་ལ་གཙང་བ་མེད་པ་དེ་ནི་མི་གཙང་བའོ།། ཚངས་པ་ཆོས་ཐམས་ཅད་ལ་བདག་མེད་པ
215b4 ནི་འཕགས་པའི་བདེན་པ་ཚོལ་བ་སྟེ། གང་བདེན་པ་ཚོལ་བ་དེ་ནི་སྡུག་བསྔལ་ཡོངས་སུ་མི་ཤེས་པ་ནས། ལམ་གྱི་བར་དུ་མི་སྒོམ་པའོ།། སྨྲས་པ། འཇམ་དཔལ་ཇི་ལྟར་ན་ལམ་ལ་སྒོམ་པ་ཡིན།
215b5 སྨྲས་པ། སྒོམ་པ་ནི་ཇི་ལྟར་དངོས་པོར་ཡང་མི་ལྟུང་། དངོས་པོ་མེད་པར་ཡང་མི་ལྟུང་ཞིང་། ཆོས་གང་ཡང་དངོས་པོར་ཡང་མི་ལྟུང་ངོ་།། དངོས་པོ་མེད་པར་ཡང་མི་བྱེད་དོ།། ཚངས་པ
215b6 གཉིས་དང་བྲལ་བ་ནི་ལམ་མོ། ། ལམ་གང་གིས་བཙལ་བས་ཆོས་ཐམས་ཅད་མི་དམིགས་པ་འདི་ནི་ལམ་མོ།། ལམ་གང་གང་དུའང་ཕྲད་པར་མི་བྱེད། འདོར་བར་ཡང་མི་བྱེད་ཅིང་། འཁོར་བ
215b7 འང་མེད། མྱ་ངན་ལས་འདས་པའང་མེད་པའོ།། དེ་ཅིའི་ཕྱིར་ཞེ་ན། འཕྲད་པར་བྱེད་པའང་མེད། འདོར་བའང་མེད་པ་ནི་འཕགས་པ་རྣམས་ཀྱི་ལམ་མོ།། དེ་ནས་བྲམ་ཟེ་ཤིང་སཱ་ལ་ཆེན
iiif viewer powered by OpenSeadragon
