| e-texts navigator |
| Wylie |
215a1 ཡིན། སྨྲས་པ། གང་ང་ཡིར་བྱ་བ་མེད་པ་རྣམས་སོ།། སྨྲས་པ། འཇམ་དཔལ་སུ་དག་གྲོལ་བ་ཡིན། སྨྲས་པ། གང་དམིགས་པ་འཁྲུག་པར་མི་བྱེད་པ་རྣམས
215a2 སོ། ། སྨྲས་པ། འཇམ་དཔལ་སུ་དག་རྒལ་བ་ཡིན། སྨྲས་པ། གང་འཁོར་བ་དང་མྱ་ངན་ལས་འདས་པ་ལ་མི་གནས་པ་རྣམས་སོ།། སྨྲས་པ། འཇམ་དཔལ་ཟག་པ་ཟད་པའི
215a3 དགེ་སློང་ཅི་ཟད། སྨྲས་པ། ཚངས་པ་གལ་ཏེ་ཟད་པར་འགྱུར་ན་ནི་ཟག་པ་ཟད་པར་མི་འགྱུར་ཏེ། ཟག་པ་དེ་དག་ནི་སྐད་ཅིག་པ་ཡིན་པ་དེས་དེ་དག་དེ་བཞིན་དུ་ཤེས་པས་ན་དེའི་ཕྱིར་ཟག་པ་ཟད་པ
215a4 ཞེས་བྱའོ། ། སྨྲས་པ། འཇམ་དཔལ་སུ་དག་བདེན་པར་སྨྲ་བ་ཡིན། སྨྲས་པ། གང་རྩོད་པ་ཐམས་ཅད་ལ་ཤིན་ཏུ་འདས་པ་རྣམས་སོ།། སྨྲས་པ། འཇམ་དཔལ་སུ་ལམ་དུ་ཞུགས་པ
215a5 ཡིན། སྨྲས་པ། ཚངས་པ་བྱིས་པ་སོ་སོའི་སྐྱེ་བོ་རྣམས་ལམ་དུ་ཞུགས་པའོ།། སྨྲས་པ། འཇམ་དཔལ་སུ་ལམ་ངན་པར་ཞུགས་པ་ཡིན། སྨྲས་པ། གང་གིས་ཆོས་ཐམས་ཅད
215a6 གང་ནས་ཀྱང་མ་འོངས་པ་དང་། གང་དུའང་མི་འགྲོ་བར་ཤེས་པའི་འཕགས་པ་རྣམས་སོ།། སྨྲས་པ། འཇམ་དཔལ་བདེན་པ་མཐོང་བ་གང་ཡིན། སྨྲས་པ། ཆོས་གང་ཡང་མི་མཐོང
215a7 བའོ། ། དེ་ཅིའི་ཕྱིར་ཞེ་ན། ཇི་ཙམ་དུ་མཐོང་བ་དེ་ཙམ་དུ་བརྫུན་ཏེ། མཐོང་བ་མེད་པ་ནི་བདེན་པ་མཐོང་བའོ།། སྨྲས་པ། གང་མ་མཐོང་བས་བདེན་པ་མཐོང་། སྨྲས་པ། ལྟ་བར
iiif viewer powered by OpenSeadragon
